$268/位再加一，可以任飲任食6小時。 酒店入面呢個價錢真係唔算貴，再加上食物種類多元化， 由前菜，熱葷，甜品同飲品都好多選擇。 可以放縱地食，環境舒適，食物又高質，我哋兩個都食得好開心。
先揀一個火鍋湯底
今晚揀咗黑蒜油豬骨鍋，真係一大嚿豬骨，好多黑蒜油，湯底濃。
湯底上咗之後就自動會上以下3樣
海鮮盛盒
有鮑魚，花甲 ，帶子，海蜆， 象拔蚌，鮮蝦及貝類等等。 每一樣都超鮮甜。 睇得又食得，正。
刺身拼盤
有大大隻的鮮蝦，厚切肥美的三文魚， 赤貝， 象拔蚌同希靈魚都爽甜。鮮味爆登。 好開心
安格斯牛小排
油脂分佈唔錯，牛肉味濃。
熱葷還會有薑蔥炒蟹，清蒸魚，辣酒東風螺，炆牛腩等經典菜式。
以為咁樣就會完。no~~~
還會有壽司，天婦羅，炸物等， 任君選擇。
另外點了爽口牛柏葉，鯇魚腩， 墨魚滑，肥牛等，同樣出色。
