新南苑私房菜 (已結業)

首先會送上幾小碟開胃前菜，有麻辣黑木耳，泡菜，琥珀合桃…... 味道唔錯。跟住送上任食既麻辣鴨血毛血旺，鴨血口感夠滑，其他配料有爽口牛肚，寬粉。另外仲有海鮮拼盤和刺身拼盤。刺身拼盤食材新鮮，有三文魚，帶子，牡丹蝦，味醂鮑魚，味道鮮甜。最嘩嘩聲係時令海洋拼盤，有龍蝦，海蝦，帶子，生蠔，魚片，淨係呢個拼埋盤，都抵哂而且非常新鮮，入口鮮甜。之後點佐個素金鈎野菌冬瓜盅打邊爐，湯底清甜又清熱，加上個 份量頗多既牛肉拼盤，已經大滿足，不同手切牛肉，有不同口感，牛味濃。甜品有北海道牛乳奶凍，質感軟綿嫩滑，牛乳味香濃。