唐宮小聚 (新港中心)

營業中

休息中

成日見到人推介呢間點心，一直以為佢淨係得個樣打卡，估唔到原來味道一樣得😍差唔多必枱必點嘅，一上枱好似平平無奇但一咬落去就爆醬流心😍熱辣辣好香奶黃味，甜而不膩！包體好鬆軟，有空氣感，水準不俗💗完全將鹹水角昇華到另一個層次！有趣嘅山竹造型外脆內軟，完全做到鹹水角嗰種鬆軟得來又香口嘅感覺，流心嘅龍蝦汁蟹肉餡勁澎湃，都有少少蟹粉味✨非常驚喜😍😍聽講係招牌中嘅招牌，的確有烤得幾嫩滑，有咸香。皮簿得嚟又富油香，但肉比起其他乳鴿相對唔多。熱騰騰嘅松露蘑菇包一咬落去，餡唔算多但的確有陣陣松露味，配上炒香咗嘅蘑菇，可以食多幾個🤪入秋限定嘅臘腸煲仔飯就相對地就冇點心類咁出色🧐不過都算好食嘅。三種唔同嘅腸同臘鴨嘅油脂，通通都迫晒出嚟，再配埋甜鼓油簡直撈飯一流！最特別係麻辣香腸，似食緊條強勁麻辣味嘅台灣腸。🥳另一個經典就隻呢隻肥肥白白嘅小豬布甸～草莓乳酪味奶凍食落去幾清新消濟又唔太甜🥰少少不足嘅係倒模嘅時候倒爛咗個豬屁屁🥺😭（明知係拎嚟打卡係咪應該倒好少少🤨🤨侍應嘅服務態度非常良好，喺繁忙嘅午餐時間佢哋都好有效率，做嘢又快手，抵讚。