影片
更多
2023-03-10
153 瀏覽
今日係觀塘忙完就決定係apm食埋個dinner，5樓嘅邊爐店轉左名做 — 方叔叔重慶老火鍋，之後都未試過。坐低店員先介紹秘製醬汁調法同期限限定推薦菜式，跟住就放低QR code同餐前糖水，等客人可以食住糖水點餐。菜式選擇多又多刁鑽部位食，真係慢慢揀！先講湯底，有得揀九宮格麻辣鍋或者鴛鴦鍋，我哋想試多個湯底就揀咗麻辣拼大骨滋補湯。前菜我個人推薦即叫即炸嘅豆皮，拎上枱嘅時候都仲有油炸聲，放落湯煠十秒就食得，油份夠多食得出嘅新鮮香口！蔬菜類，必試時令鮮春筍（$48）造型好搞笑，切到幼幼一條，煮2分鐘就食得，入口超嫩又爽脆！淮山條擺盤幾靚，紫白相間，新鮮爽甜。葷菜方面，私心推介幾款，個人最鍾意鮮豬心（$38）冰鎮上枱，煮完爽口彈牙又唔會太重內臟味，配上特製乾拌粉更加惹味！嫩牛肉（$48）牛味雖然唔算太重但口感超滑嫩，手打魚籽蝦滑（$58）新鮮手打蝦滑，夠爽口彈牙！稻田毛肚（$78）多汁又有韌度，啱晒鐘意有咬口嘅朋友。主食不妨試吓武隆苕粉（$28）重慶名菜代表之一，煮5分鐘左右麵條變晶瑩剔透就可以食，入口煙韌掛辣湯，食到停唔到口！紅糖爆漿糍耙（$38）外皮香脆中間軟糯，一流就有流心紅糖漿，好高質
坐低店員先介紹秘製醬汁調法同期限限定推薦菜式，跟住就放低QR code同餐前糖水，等客人可以食住糖水點餐。菜式選擇多又多刁鑽部位食，真係慢慢揀！
先講湯底，有得揀九宮格麻辣鍋或者鴛鴦鍋，我哋想試多個湯底就揀咗麻辣拼大骨滋補湯。
前菜我個人推薦即叫即炸嘅豆皮，拎上枱嘅時候都仲有油炸聲，放落湯煠十秒就食得，油份夠多食得出嘅新鮮香口！
蔬菜類，必試時令鮮春筍（$48）造型好搞笑，切到幼幼一條，煮2分鐘就食得，入口超嫩又爽脆！淮山條擺盤幾靚，紫白相間，新鮮爽甜。
葷菜方面，私心推介幾款，個人最鍾意鮮豬心（$38）冰鎮上枱，煮完爽口彈牙又唔會太重內臟味，配上特製乾拌粉更加惹味！嫩牛肉（$48）牛味雖然唔算太重但口感超滑嫩，手打魚籽蝦滑（$58）新鮮手打蝦滑，夠爽口彈牙！稻田毛肚（$78）多汁又有韌度，啱晒鐘意有咬口嘅朋友。
主食不妨試吓武隆苕粉（$28）重慶名菜代表之一，煮5分鐘左右麵條變晶瑩剔透就可以食，入口煙韌掛辣湯，食到停唔到口！
紅糖爆漿糍耙（$38）外皮香脆中間軟糯，一流就有流心紅糖漿，好高質！
衝上雲霄百香果雞尾酒（$48）飲番杯特調雞尾酒，以百香果果香為主加上薄荷葉，幾清新！
張貼
