沙嗲軒

去開Fullerton staycation，酒店都徧遠啲，而且又撞正打風，梗係留係酒店餐廳食飯。餐廳環境好乾淨好光猛，食都食得好開心！一行四人，見到有個家庭拼盤套餐乜都有($988)，唔洗考慮太多就叫左佢，一上枱，原來成個套餐用一隻碟裝住😂😂😂係一個佔左成兩張枱嘅碟，超級ig-able!!!

海南雞飯好好食，雞又大份又夠哂滑，連飯都好香！沙嗲雞串好惹味，兩樣菜都有好多汁醬點，花多眼亂呀！個千層油酥餅都唔錯，又唔會太肥膩，不過配埋一齊嘅耶香咖哩牛腩個汁徧甜，一定要送飯或者薄餅。套餐唔夠我地幾個大食鬼食飽，於是叫左胡椒蟹($588)，胡椒蟹味道一流，又夠多肉，但價錢都幾貴下，三兩下就食哂。

星洲炒米($168)有啲辣，都係茶餐廳好食啲😂睡房個喇沙麵都唔錯，最厲害係佢入面嘅餸菜夠晒多！留意，埋單俾美國運通同匯豐卡都有折扣優惠！

1

1

9

7