影片
更多
2022-05-24
31 瀏覽
記得以前去赤柱都會經過一個小藍屋，無敵海景又有歐洲風情，係熱門打卡景點。 呢座三級歷史建築，之後變身成為更搶眼嘅黃屋，可惜之後餐廳結業…… 今次去赤柱，竟然見佢重開，午市套餐好抵食咁，可惜啱啱食完午餐，咁就周圍行吓街，book定枱食晚餐啦！晚市都有套餐，二三百蚊一個晚餐有齊頭盤、主菜、甜品同餐飲，仲有無敵靚景，超值。 頭盤揀咗【烤哈羅米芝士藜麥沙律】同【炸芝士波配cranberry汁】，個沙律份量好大，有藜麥、沙律菜、紅菜頭、黃椒等等，健康清新。 即炸芝士波用咗Camembert芝士，柔軟、綿密、香滑，配埋酸酸甜甜嘅cranberry醬，夠開胃。主菜【印度牛油咖喱雞配烤餅】做得幾出色，歐陸風情嘅環境配上印度美食，咖喱濃香而不辣。 【紐西蘭頂級肉眼扒配薯條及田園沙律】塊肉眼扒大件又厚身，有陣陣碳燒香味，外面有深刻嘅燒烤紋，入面依然嫩滑多汁。最誇張係啲薯條多過某連鎖快餐店嘅加大裝呀！甜品【印度芒果布甸】最有驚喜，餐甜品竟然有咁多芒果汁同埋粒粒芒果肉，而下面就係奇亞籽，好似仲加咗椰漿添！ 誠意滿分！！餐飲可以揀汽水、茶或咖啡，亦可以加$18轉mocktail或者latte或Cappucci
晚市都有套餐，二三百蚊一個晚餐有齊頭盤、主菜、甜品同餐飲，仲有無敵靚景，超值。
頭盤揀咗【烤哈羅米芝士藜麥沙律】同【炸芝士波配cranberry汁】，個沙律份量好大，有藜麥、沙律菜、紅菜頭、黃椒等等，健康清新。 即炸芝士波用咗Camembert芝士，柔軟、綿密、香滑，配埋酸酸甜甜嘅cranberry醬，夠開胃。
主菜【印度牛油咖喱雞配烤餅】做得幾出色，歐陸風情嘅環境配上印度美食，咖喱濃香而不辣。 
【紐西蘭頂級肉眼扒配薯條及田園沙律】塊肉眼扒大件又厚身，有陣陣碳燒香味，外面有深刻嘅燒烤紋，入面依然嫩滑多汁。最誇張係啲薯條多過某連鎖快餐店嘅加大裝呀！
甜品【印度芒果布甸】最有驚喜，餐甜品竟然有咁多芒果汁同埋粒粒芒果肉，而下面就係奇亞籽，好似仲加咗椰漿添！ 誠意滿分！！
餐飲可以揀汽水、茶或咖啡，亦可以加$18轉mocktail或者latte或Cappuccino等等，餐後一路飲一路望住海景，好寫意！
遊客區咁嘅價錢咁嘅質素咁嘅份量，絕對係我赤柱必食嘅餐廳！
張貼
