影片
更多
2022-06-16
60 瀏覽
最近愛上吃串燒嘆啤酒🍻有種慢活生活自由自在的寫意情懷！今日又嚟串燒串燒，暫時逃離一下工作上的煩惱😌見到好多人介紹呢間三人行，而且牛肉款式都幾多，一於嚟試吓！一坐低二話不說就叫咗個頂級安格斯牛小排，可以揀3成5成或者七成熟，配以蘆筍，感覺上幾高級，價錢先$100左右，算超值！而且牛小排肉質粉嫩，咀嚼間還會吃到油花香，完全想像不到這個價錢竟然吃到這個高質素的牛小排，感覺是賺翻了！蒜蓉燒原條茄子🍆就係串燒must eat 㗎啦！呢度條茄勁多蒜蓉，仲加咗少少孜然粉調味，配搭軟綿綿嘅茄子肉真係食唔停呀！燒白鱔塊魚皮燒到脆卜卜，魚肉爽實鮮甜，感覺好新鮮👍蒜蓉燒蠔食落蠔味爆發，濃郁嘅汁液再配埋蒜蓉同辣椒，雖然淨係食咗一隻但係都好滿足！雞中翼同雞腎也是佐酒良伴呀，一定唔少得佢哋啦！老公就話呢款鹽燒油甘魚鮫好得！一向以魚油豐富見稱嘅油甘魚，食嘅時候可以感覺到魚油在口腔內慢慢滲出嚟嘅香氣，而且燒完之後正正可以減低油膩感，所以食起嚟質感輕柔透徹，加上肉質軟滑，很是享受！日式汁燒魷魚筒原條燒，魷魚質地Q彈可口，再配日式醬汁和辣粉，食起嚟特別惹味呢！
今日又嚟串燒串燒，暫時逃離一下工作上的煩惱😌見到好多人介紹呢間三人行，而且牛肉款式都幾多，一於嚟試吓！
一坐低二話不說就叫咗個頂級安格斯牛小排，可以揀3成5成或者七成熟，配以蘆筍，感覺上幾高級，價錢先$100左右，算超值！而且牛小排肉質粉嫩，咀嚼間還會吃到油花香，完全想像不到這個價錢竟然吃到這個高質素的牛小排，感覺是賺翻了！
蒜蓉燒原條茄子🍆就係串燒must eat 㗎啦！呢度條茄勁多蒜蓉，仲加咗少少孜然粉調味，配搭軟綿綿嘅茄子肉真係食唔停呀！
燒白鱔塊魚皮燒到脆卜卜，魚肉爽實鮮甜，感覺好新鮮👍
蒜蓉燒蠔食落蠔味爆發，濃郁嘅汁液再配埋蒜蓉同辣椒，雖然淨係食咗一隻但係都好滿足！
雞中翼同雞腎也是佐酒良伴呀，一定唔少得佢哋啦！老公就話呢款鹽燒油甘魚鮫好得！一向以魚油豐富見稱嘅油甘魚，食嘅時候可以感覺到魚油在口腔內慢慢滲出嚟嘅香氣，而且燒完之後正正可以減低油膩感，所以食起嚟質感輕柔透徹，加上肉質軟滑，很是享受！
日式汁燒魷魚筒原條燒，魷魚質地Q彈可口，再配日式醬汁和辣粉，食起嚟特別惹味呢！
張貼
