丸十日本食堂 (已結業)

同女朋友約左行葵廣，同女仔黎得呢d購物聖地就預左冇得停落黎，行左兩三個鐘，真係行到腳仔攰，就過隔離環境好d既葵芳新都會廣場歇歇腳。見到有間環境闊落又舒服既日本料理店，原來係前幾日食過嘅同一集團吸，所以都忍唔住就入去食返餐好既慰勞下自己。終於可以坐底抖抖，平時女朋友都好鐘意食壽司，所以叫左兩份壽司同一份清酒煮蜆食下。上菜速度都算幾快，落單幾分鐘已經有野食，食野既賣相都唔錯，灸燒既效果增加魚肉既香味同油脂味，但又唔會搶去魚既鮮味，對魚生抗拒既朋友都可以考慮灸燒既壽司。食完壽司嘆返幾杯綠茶，慢慢坐下，休息下又可以繼續陪女朋友再戰商場啦。