影片
更多
2018-09-09
1800 瀏覽
呢間豐生水起睇住佢由裝修開始, 到而家次次行過都見到要等位, 奈何一直都未有機會試試佢。咁啱天文台話呢兩日天氣轉涼, 又咁啱我星期6晚係大埔, 有種非打邊爐不可既感覺, 而首選當然係呢間座無虛席既餐廳啦。好彩一早book左位, 8點半等左陣就可以入席啦。餐廳非常細心, 應該驚我呢d食肉獸無菜落肚唔健康, 整左個芝麻醬冰菜, 爽口又夠開胃而且佢地既醬料都好有心思, 每台都準備左5小罐, 方便又衛生。我當然落我最愛既辣椒+生蒜就夠了。鴛鴦湯底其實入到黎當然要試佢個招牌花膠雞鍋啦, 不過麻煩的友人不太喜歡有骨的雞件, 怕麻煩, 所以...只好選其他的啦。涼涼地又心思思想食辣野, 就扑搥叫左個鴛鴦湯底--麻辣+沙嗲。一上台, 個麻辣香味即係撲鼻而來, 我地都不禁吞一吞水口, 準備開大餐啦~北京餃子呢個餃子一見到就心心眼, 太有心思了吧。個皮加左d橙橙綠綠色, 見到都覺得吸引! 食落滿滿的肉汁, 皮不算太厚, size大小得宜, 令人想食完一隻又一隻。本地手切牛頸脊呢個不得不讚, 仲要大讚。牛脂分佈好平均, 最緊要唔會太肥/太瘦, 口感剛剛好! 只要淥兩淥就食得, 懶人最愛呀!就算淥耐左小小都唔
餐廳非常細心, 應該驚我呢d食肉獸無菜落肚唔健康, 整左個芝麻醬冰菜, 爽口又夠開胃
而且佢地既醬料都好有心思, 每台都準備左5小罐, 方便又衛生。我當然落我最愛既辣椒+生蒜就夠了。
鴛鴦湯底其實入到黎當然要試佢個招牌花膠雞鍋啦, 不過麻煩的友人不太喜歡有骨的雞件, 怕麻煩, 所以...只好選其他的啦。涼涼地又心思思想食辣野, 就扑搥叫左個鴛鴦湯底--麻辣+沙嗲。一上台, 個麻辣香味即係撲鼻而來, 我地都不禁吞一吞水口, 準備開大餐啦~
北京餃子呢個餃子一見到就心心眼, 太有心思了吧。個皮加左d橙橙綠綠色, 見到都覺得吸引! 食落滿滿的肉汁, 皮不算太厚, size大小得宜, 令人想食完一隻又一隻。
本地手切牛頸脊呢個不得不讚, 仲要大讚。牛脂分佈好平均, 最緊要唔會太肥/太瘦, 口感剛剛好! 只要淥兩淥就食得, 懶人最愛呀!就算淥耐左小小都唔會韌, 依然keep住肉味濃濃, 兩個人火速ko左一碟都覺得唔夠喉......
美國桶蠔朋友仔至愛, 我食左半隻, 佢食左4隻半, 見佢起勢咁食,完全無諗住留返比我, 就知食好食既, 哈哈! 其實有時出黎打邊爐都唔係好敢叫桶蠔, 幾隻仔都百幾蚊, 唔好食就係哂料架, 試過之前食過幾間都腥到不得了, 而且梅梅的感覺, 至此就好小叫了。不過係到食完, 又重拾返對出外食桶蠔既信心了!!呢到爽口彈牙, 蠔味夠而且唔腥, 下次一定會再叫。
竹蔗茅根水最後梗係要整返杯竹蔗茅根水啦, 打邊邊必備, 下火又解膩。呢到一睇就知足料, 無呃秤架。
食完呢餐, 當然滿足到爆...不過...我下次一定要再搵一個唔麻煩的友人再黎同我食花膠雞鍋!
張貼
