影片
更多
2023-01-28
206 瀏覽
話說小弟昨晚同小兒兩人到大埔昌運中心京都酒樓食晚飯。（年初六）七時。一入到去得嗰幾枱客,深知不妙,新年流流,周圍食肆都排滿人,係得呢間咁小人,即刻覺得伏伏哋,不過算啦,睇到openrice有成5粒星,又想靜啲同個仔（13歲）撑枱腳,咁咪入去坐低啦。 一望個餐牌,即刻唔開胃!小菜得嗰10款左右,大部份都係啲6人,8人....套餐！完全冇乜選擇。新年我都知選擇係小, 主要係做套餐搵錢!但都年初六啦,都應該正常返啦! 都唔緊要,咁我個仔話想食!咁我就叫咗一個脆皮咕嚕肉,蜜 餞牛柳粒,半隻南乳吊燒雞! 價錢當然比平時貴,都唔緊!要由$168至$188不等! 新年食得開心啲,好啲,畀多啲錢!呢個係定律啦! 點知第一碟咕嚕肉嚟到,一pat漿糊咁樣!散收收,淡茂茂, 啲咕嚕肉加埋唔夠十嚿。每一嚿係細個手指尾第一節. 相信出面任何一個兩餸飯,都好過佢,靚過佢,多過佢! 上菜嘅時候,個侍應就咁成蝶飛落嚟,爭啲倒曬落枱度添!! 嗰陣時我都已經有少少嬲! 完全冇 鑊氣,成碟垃圾咁!牛柳粒加埋唔夠八粒, 每一粒又係細個手指尾第一節! 我個仔話算啦,都幾好食呀, 我又忍佢！ 直到爆發點,第三度菜,南乳吊燒
一望個餐牌,即刻唔開胃!小菜得嗰10款左右,大部份都係啲6人,8人....套餐！完全冇乜選擇。新年我都知選擇係小, 主要係做套餐搵錢!但都年初六啦,都應該正常返啦! 都唔緊要,咁我個仔話想食!咁我就叫咗一個脆皮咕嚕肉,蜜 餞牛柳粒,半隻南乳吊燒雞! 價錢當然比平時貴,都唔緊!要由$168至$188不等! 新年食得開心啲,好啲,畀多啲錢!呢個係定律啦!
點知第一碟咕嚕肉嚟到,一pat漿糊咁樣!散收收,淡茂茂, 啲咕嚕肉加埋唔夠十嚿。每一嚿係細個手指尾第一節. 相信出面任何一個兩餸飯,都好過佢,靚過佢,多過佢! 上菜嘅時候,個侍應就咁成蝶飛落嚟,爭啲倒曬落枱度添!! 嗰陣時我都已經有少少嬲! 完全冇 鑊氣,成碟垃圾咁!牛柳粒加埋唔夠八粒, 每一粒又係細個手指尾第一節! 我個仔話算啦,都幾好食呀, 我又忍佢！
直到爆發點,第三度菜,南乳吊燒雞! 仲要兩同色,分明就係六神合體! 積木雞！ 跟住個侍應放低咗碟豉油畀我, 我都覺得怪怪哋㗎啦,跟住我就搵番嗰個侍應埋嚟問佢, 呢個係咪南乳吊燒雞？點解畀碟豉油我？ 跟住個侍應話可能佢畀錯碟豉油我,佢話攞返碟南乳汁畀我喎!跟住我問呢個明明係炸子雞,唔係南乳吊燒雞嚟㗎喎!跟住佢就好 噩然咁望住我,就攞個餐牌左搵右搵, 唔知喺度做乜。跟住我話,我頭先同你一齊指住個南乳吊燒雞個number 嚟落單,點解會變咗脆皮炸子雞嘅? 咁我再問佢,即係南乳吊燒雞,同炸子雞基本上係同一樣嘢??只不過係碟醬油有分別啫,係咪咁樣呀? 跟住我已經發火話,咁如果我叫隻豉油雞,你畀咗隻白切雞我,咁係咪就咁畀碟豉油我點返,就叫做豉油雞呀?! 個侍應唔識答我,佢話轉頭搵經理同我解釋!
之後有個聲稱女主任嘅埋嚟同我講,可能師傅 醃製南乳吊燒雞時比較輕手啲,驚啲味重手喎 所以冇南乳味跟住我話見開啲雞畀佢睇根本,就冇南乳味啫! 我翻開啲雞畀佢睇 ,又乾,又柴皮,一啲南乳味都冇㗎喎! 分明就係一隻炸子雞 ,同埋我話我喺出面食過南乳吊燒雞根本就唔係咁,我唔知你呢一度係咩鄉下,咩做法! 我話而且啲雞都唔同色,分明就係積木雞！ 唔係同一隻嚟㗎! 跟住佢又話係咪落單嘅時候點錯,跟住我就俾個餐單佢睇,你成張餐單都冇脆皮雞呢個餸,只係得南乳吊燒雞,咁又點會我落到有脆皮雞呢個單呀? 跟住佢都冇聲出,就即刻話拎走,取消呢個餸啦！ 成件事其實好簡單,我知道你哋酒樓新年係唔稀罕我哋呢啲三,兩個人上去食一兩個小菜嘅小數目!但係你都尊重返你哋酒樓嘅水準啦,啲餸仲衰過兩餸飯,但係收雙倍價錢,有時仲要三倍!又要加乜加乜!咁你都要對得住啲食客先啦,如果係出錯,冇嘅唔緊要,你出聲同我哋講,我哋會改叫過第二樣,唔好喺度左搵藉口,右搵藉口！喺度仲好似好唔滿意咁樣!我諗我以後亦都唔會再嚟呢間酒樓食嘢,包括其他分店! 最後埋單差唔多成七百蚊,只不過係食咗一個咕嚕肉,牛柳粒, 一碟燒腩仔(後改要呢樣,三個白飯,加兩個茶位!🤫💀☠️💩
張貼