金裝燉奶佬餐廳 (嘉湖新北江) (已結業)

上個星期日帶表哥入黎天水圍，本來想食台味，但太多人。結果轉而陣地到呢度食飯。估佢唔到既係下午茶有炒粉麵食，仲要有甜品送，太正啦。日式炒公仔麵都等左好耐下，但無令我失望。呢度既炒野比到我好大既信心。而公仔麵算炒得幾煙韌，料就普通，但勝在足料既。有火腿、蟹柳、蝦仁等等。當然，呢次既炒公仔麵係相當穫氣，無令我失望。不過要彈既係，個炒公仔麵鹹左小小，下次可以落小醬油既。紅豆沙伴涼粉其實涼粉係好普通，只係令個糖水豐富。而紅豆沙味道唔錯，好多紅豆，又唔算太甜。呢間野最好既係，除左可以要飲品配餐之外。仲可以要甜品，呢個係我幫襯佢既其中一個理由。