隨 (已結業)

位於朗屏站B2出口橋底，好方便。入面好闊落，一大班朋友嚟坐埋一齊都無問題。午市套餐：🥩澳洲牛肉眼配薯菜 $148今次試左7成熟，又幾好喎，邊煎得好香脆，肉質不錯。🍵+$15雪菊蘋果茶(熱)呢排轉季喉嚨唔舒服，呢杯好啱飲，甜度適中，仲有片蘋果乾，好雅緻。🍝黑松露大啡菇蟹肉長通粉 $78黑松露白汁好香，變左唔太食到蟹肉味，長通粉煮得剛好，大啡菇好juicy。🍹+$15紅蘋果西打好清新，食完薯條，濃味野可以fresh一下。🍟黑松露炸薯條 $48起初以為牛扒個薯菜係薯蓉，咁就叫個薯條食下。呢個黑松露醬好creamy，點薯條好食。💬食物質素整體不錯，座位寬敞舒服，只係鋪頭位置唔開揚位。