Chez Shibata (已結業)

9月11日, 今日呀比做咗壽星仔~ 呀菲親自下廚煮咗生日大餐比佢食! 萬事俱備, 只欠一個生日蛋糕~ 於是就帶呀比去自己揀!::: La Venus 女神特濃朱古力慕斯蛋糕 ::: $40堪稱呢度招牌之一~ 亦係呀比最愛嘅特濃朱古力蛋糕! 賣相十分精緻, 外層有薄薄的朱古力粉, 面頭則有四顆特濃朱古力點綴. 朱古力分有好幾層, 中間大部份都係黑朱古力慕斯, 濃濃嘅朱古力味唔算好苦澀, 軟綿綿嘅質地好得意, 唔錯~ 底下中間有d忌廉咁, 仲有朱古力脆脆, 令到個質感又加添脆口感~ 整體朱古力得嚟又有各種層次, 朱古力愛好者必試~::: Micuit Fromage半熟芝士蛋糕 ::: $36另一個外間比較少見嘅半熟芝士蛋糕, 用半蒸焗嘅方法令蛋糕質感綿密鬆軟, 同日式芝士蛋糕口感十分相近~ 呢個芝士蛋糕芝士味算唔算好重, 但帶濃郁嘅奶味~ 餅底有牛油香, 又加入脆口嘅杏仁粉, 軟綿綿嘅蛋糕加埋脆身嘅餅底層次同味道都好豐富! 仲有面頭嘅忌廉~ 厚滑細膩~ 連埋芝士蛋糕超夾!呢度d 蛋糕全部都好精緻~ 從賣相已經可以睇到餅師對造餅嘅心機, 做法認真, 夠靚之餘味道亦好好! 一定會再嚟試埋其他