路邊小炒

營業中

休息中

話說小弟4月18號晚 自己一條友去何福堂食飯！基本上除左呢間之外，我對其他店舖已經冇哂信心！坐底叫左兩支藍妹，一碟豉汁蒸鱔！一碟酸菜炒鵝腸.....論味道，論質素，論服務！其實我幾滿意！（只限未賣單之前）碟鱔食左一半，碟鵝腸食剩一大半！人有三急，想去廁所！去廁所前已通知侍應比個外賣盒！因為碟酸菜炒鵝腸食唔哂，想打包！咁岩又想買外賣比老婆食！於是乎就拎埋張單去收銀櫃！叫左個炸𧐢餅 同 京都豬扒 拎走！收銀計完錢總數係510蚊....其實1條友食呢個價錢都算係咁啦！比完錢去埋廁所 諗住行返張枱繼續下半場！未行到張枱已經見到男侍應拎住個膠袋清哂我兩碟餸！ 旁邊一位女侍應仲拎住個外賣盒發呆望住個男侍應....真係有冇搞錯丫，比500幾蚊黎食野，去個廁所賣完單你就清我張枱？我即時大聲喝止：有冇搞錯丫！成間舖都望住，點知個男侍應仲串，你未食完就唔好賣單.... 我當堂呆左其實我心諗你係清枱 又點會拎白色膠袋去裝我d食物？擺到明就係偷野....同老闆娘理論...點知老闆娘睬我都傻，話我賣左單就當你離開.... 然後就送左支藍妹比我飲....當賠罪丫？係飲梗藍妹等埋果兩盒外賣期間...個男侍應已經收收