影片
更多
2022-09-19
112 瀏覽
「仲有甜品未食啊妹！係好好味嘅紫薯雪糕！」#一個人的晚餐 連鎖店內都可以獲得賓至如歸嘅用餐體驗，受寵若驚。近期承蒙尖沙咀返工嘅朋友推介，一入座店員就熱心提醒門前嘅梯級，甫坐下奉熱茶再主動介紹餐牌同埋當日嘅時令飛機貨。臨離開時剛起身又被店員叫停「仲有甜品未食啊妹！係好好味嘅紫薯雪糕！」，而我仿佛係小朋友咁乖乖放返低個袋，等食雪糕 LOL食物方面，首先想大大力畏畀讚佢個麵！䜴！湯！係so far飲過連銷日本餐廳內最好飲嘅 #麵䜴湯！埋單時問店員先知原來個湯底係用魚骨熬製，每日都用湯頭不停加入當日嘅魚骨重覆製作，難怪個味道可以如此咁濃厚！讚！定食安格斯冷照燒西冷火候恰到好處，入口牛味香濃肉質軟嫩。另外單點時令嘅魴鮄魚同埋鯖魚刺身，魴鮄係白身魚，味道清香；而鯖魚唔駛多講就濃味得多，一濃一淡嘅組合相當好！另外北海道岩蠔脹卜卜好肥美，同記憶中日本蠔嘅清淡路線好唔同！總括嚟講，是次用餐有種日本家庭式居酒屋嘅親和感，意料之外，希望再訪都keep到咁嘅服務同食物質素啦！
「仲有甜品未食啊妹！係好好味嘅紫薯雪糕！」
#一個人的晚餐 連鎖店內都可以獲得賓至如歸嘅用餐體驗，受寵若驚。近期承蒙尖沙咀返工嘅朋友推介，一入座店員就熱心提醒門前嘅梯級，甫坐下奉熱茶再主動介紹餐牌同埋當日嘅時令飛機貨。臨離開時剛起身又被店員叫停「仲有甜品未食啊妹！係好好味嘅紫薯雪糕！」，而我仿佛係小朋友咁乖乖放返低個袋，等食雪糕 LOL
食物方面，首先想大大力畏畀讚佢個麵！䜴！湯！係so far飲過連銷日本餐廳內最好飲嘅 #麵䜴湯！埋單時問店員先知原來個湯底係用魚骨熬製，每日都用湯頭不停加入當日嘅魚骨重覆製作，難怪個味道可以如此咁濃厚！讚！
定食安格斯冷照燒西冷火候恰到好處，入口牛味香濃肉質軟嫩。另外單點時令嘅魴鮄魚同埋鯖魚刺身，魴鮄係白身魚，味道清香；而鯖魚唔駛多講就濃味得多，一濃一淡嘅組合相當好！另外北海道岩蠔脹卜卜好肥美，同記憶中日本蠔嘅清淡路線好唔同！總括嚟講，是次用餐有種日本家庭式居酒屋嘅親和感，意料之外，希望再訪都keep到咁嘅服務同食物質素啦！
張貼
