影片
更多
2021-07-24
3376 瀏覽
呢間日資嘅但馬屋有幾間分店, 成日經過都見到大排長龍, 究竟係咪真係咁正呢~ 我同屋企人就終於去咗試喇😋而家但馬屋仲有夏日祭👒, 有夏祭遊戲、夏祭特色小食、波子汽水 添🎏! 玩呢個夏祭遊戲仲可以得到唔同嘅獎品, 包括用餐嘅折扣!! 夏日祭嘅關係, 食完嘢仲送扇同糖🥰🍲 日本產特選黑毛和牛放題套餐 ($439 @90mins)呢個套餐除咗有外面自助嘅配菜(包括丸、肉、魚、菜... ...)、醬汁、飲品、熟食、雪糕之外🤤, 仲可以叫黑毛豬同和牛食! 啲和牛超級靚, 雪花分明, 肥瘦適中, 大推🥇!!湯底方面有五款可以揀, 有辣有唔辣, 我哋揀咗一個鏗魚湯、一個壽喜燒, 前者比較清甜, 後者比較濃郁~配菜方面, 芝心丸一定要試! 入面嘅芝士濃郁, 有別於一般嘅芝心丸咖, 有驚喜! 仲有魚同雞肉我都鍾意! 響鈴同豆腐我都食咗好多😝醬料方面, 呢度嘅醬汁都算多喎! 仲有啲幾特別嘅, 例如橘子醬油、柑橘醋、昆布醬油、香烤花生碎等等～雪糕仲要係haagen dazs嘅添, 有四隻味揀😋🦪 期間限定 - 豪華浜燒海鮮盛合呢個海鮮盛合包括咗每人兩隻鮑魚、兩隻大大隻帆立貝、一隻蠔、一隻大蝦😍 又新鮮又ju
呢間日資嘅但馬屋有幾間分店, 成日經過都見到大排長龍, 究竟係咪真係咁正呢~ 我同屋企人就終於去咗試喇😋
而家但馬屋仲有夏日祭👒, 有夏祭遊戲、夏祭特色小食、波子汽水 添🎏! 玩呢個夏祭遊戲仲可以得到唔同嘅獎品, 包括用餐嘅折扣!! 夏日祭嘅關係, 食完嘢仲送扇同糖🥰
豪華浜燒海鮮盛合
30 瀏覽
0 讚好
0 留言
🍲 日本產特選黑毛和牛放題套餐 ($439 @90mins)
呢個套餐除咗有外面自助嘅配菜(包括丸、肉、魚、菜... ...)、醬汁、飲品、熟食、雪糕之外🤤, 仲可以叫黑毛豬同和牛食! 啲和牛超級靚, 雪花分明, 肥瘦適中, 大推🥇!!
湯底方面有五款可以揀, 有辣有唔辣, 我哋揀咗一個鏗魚湯、一個壽喜燒, 前者比較清甜, 後者比較濃郁~
配菜方面, 芝心丸一定要試! 入面嘅芝士濃郁, 有別於一般嘅芝心丸咖, 有驚喜! 仲有魚同雞肉我都鍾意! 響鈴同豆腐我都食咗好多😝
醬料方面, 呢度嘅醬汁都算多喎! 仲有啲幾特別嘅, 例如橘子醬油、柑橘醋、昆布醬油、香烤花生碎等等～
雪糕仲要係haagen dazs嘅添, 有四隻味揀😋
🦪 期間限定 - 豪華浜燒海鮮盛合
呢個海鮮盛合包括咗每人兩隻鮑魚、兩隻大大隻帆立貝、一隻蠔、一隻大蝦😍 又新鮮又juicy 勁正! 我特別鍾意帆立貝同大蝦, 大蝦仲要係咇汁咖!🥳 有殼嘅海鮮熟咗都會自己脫殼, 除咗鮑魚要自己分開, 但都超容易用筷子夾開, 方便!
🥤 期間限定 - 日本直送懷舊『波子汽水』放題
呢度嘅放題本身已經包括咗一般放題會有嘅罐裝/紙裝飲品, 仲有一啲可以自己沖嘅熱飲, 而家仲有埋波子汽水, 係童年回憶呀🎎
不得不提員工服務超好! 見我剝蝦剝到對手污糟晒主動拎咗一疊濕紙巾比我；換雪糕桶嘅時候又整好晒一個個雪糕球方便食客拎；又有禮貌又nice!
張貼
