Pizza Piazza (已結業)

今日同女女去咗間工廈嘅地舖食西餐，性價比夠高之餘，野又好食！e個就係餐廳嘅鎮店之寶終極漢堡，見到隔離枱有叫，睇落都幾好味，不過我地今次就試咗其他野食。e個雞翼，唔好睇佢外表普通，一食便知龍與鳳，佢個味好濃，甜甜地，仲辣辣地，非常開胃，仲要外皮脆脆地，推介！e間餐廳真係好貼心，見到我攞住個袋食唔方便，專登比張椅我放，e個就係我鐘意小店嘅原因！自家製芝麻面包，外脆內軟主菜我地嗌咗個黑松露pizza, 好鐘意批底唔會太厚，仲好脆再嚟係炸蕃薯條配黑毛豬扒，一流！跟餐有野飲，e杯荔枝味嘅梳打真係為e餐飯畫上句號！