泰Grill (享和街)

今日去開荃灣，又想食泰國嘢，網上見到呢間，一於試吓啦～舖頭唔算大，但環境乾淨安靜🤫蛋包虎蝦炒金邊粉套餐 （$191）⭐️青木瓜沙律一碗仔沙律入面有滿滿嘅青瓜同甘筍絲，口感爽脆，淋上酸辣嘅醬汁，非常開胃！⭐️蛋包虎蝦炒金邊粉賣相好靚，上面有兩大隻虎蝦,金邊粉用雞蛋膜包裹住，虎蝦雖然酥脆，但係啲肉有少少淋🤣雞蛋係比較乾身，但係蛋香味濃，至於金邊粉就非常出色，濕度啱啱好，食落有浸蕃茄醬嘅甜甜酸酸，入面仲有好多豆乾，忍唔住一啖接一啖🩷⭐️龍眼冰 （$15）入面有滿滿嘅龍眼肉，不過略嫌有少少甜🤣⭐️芒果糯米飯 （$38）呢款芒果糯米飯非常出色，首先啲芒果比得好大方，同埋好甜，糯米飯仲係熱辣辣，配埋啲椰汁，甜度適中，飯後甜品真係啱啱好👍🏻串燒（雞、牛、豬） （$48）想講佢哋嘅串燒好出色，本身調味已經好夠，但又唔會蓋過本身嘅肉味，可以好明顯咁食得出邊串係雞、牛、豬，如果唔夠味仲可以點伴碟嘅醬汁，不過有少少辣嘅～原條泰式菠蘿海鮮炒飯 （$98）炒飯伴碟真係有成條燒過嘅菠蘿，食落都甜嘅，炒飯入面有好多海鮮，不過海鮮味道較淡，撈埋個飯食就啱啱好，個飯雖然唔係好濃味，但係有好香嘅咖喱味🥰📍泰Grill (荃灣)荃