神川日本料理 (已結業)

女仔多數鍾意食日本料理，尤其是廚師發板，但係下下都要講一千幾百，真是唔多捨得花，一般來說五百幾蚊一餐都還可以，幸好有人明白我哋嘅要求，在水街的神川日本料理就特別以貼地價錢俾客人食到廚師發板，這裏的做法是由客人決定價錢， 每人＄180起至大多數$500-＄600就可以食到。唔好以為冇幾多嘢食，今晚我們就揀了＄500一位的，有前菜、刺身、卷物等有八款，非常豐富。前菜一：海草配新鮮山葯，滑溜得來味道是酸的，最出色就係個酸汁，好啱我口味。前菜二：安鱇魚肝，入口即溶，呢啲先叫做豐腴。刺身拼盤今晚的五款刺身之中，我覺得最特別就是八角魚，第一次食，肉質有啲爽，另外是海膽墨魚卷，個樣都好靚，外層的墨魚爽口裏面的海膽肥美，配搭有層次，仲有三文魚、赤身及中拖羅，好新鮮。木魚日本大根這一款有時非常特別，從來未食過，大金切到咁薄，初時仲以為是洋蔥，冇蘿蔔嘅怪味，呢個大根好甜又爽，配木魚食，好好食。燒吞拿魚餃燒得香，吞拿魚餃，很多嫩肉。日本走地雞是我今晚最鍾意的一款，因為是來自日本有質素的雞，方才可以九成熟，因為咁樣，雞肉真的很滑，又非常結實，雞皮脆口，真係唔同。蟹肉蟹膏牛油果卷平時食到的好少加入蟹膏，加左當然