影片
更多
2025-03-26
147 瀏覽
約咗朋友嚟天后小聚，想搵間未幫襯過嘅餐廳食晏。上網見到有人推介水星街呢間「九町屋」，裝潢採用居酒屋木系風格，用餐環境簡潔舒適。餐廳主打日式輕食，有烏冬、拉麵、便當、壽喜鍋和丼飯等供應，而午市更有特惠套餐，定價親民。 點咗 2 款小食同 2 個套餐，蝦多士賣相好吸引，面頭撒上了黑白芝麻，入面夾滿又厚又彈嘅蝦膠，入口香氣四溢，脆而不油。另一款唐揚雞水準亦唔錯，雞肉外脆內嫩，炸漿厚薄適中，吃得出雞味和肉汁，無須加任何調味，已經非常可口。咖喱豬扒飯+九町屋咖啡，豬扒炸至金黃色，外層薄身香脆，入口肉嫩爆汁；咖喱汁辛香微辣，用嚟佐飯一流！咖啡甘香濃郁，質感順滑。牛肉生薑燒便當+百香果綠茶，牛肉切成薄片，再加入帶薑香嘅醬料同炒，入口充滿牛脂香，配上微甜嘅洋蔥，開胃又易入口。配料有關東煮、醃漬青瓜、玉子燒、甜薯及和菓子等，份量十足。百香果綠茶味道好清新，酸甜醒胃，清香怡人。
約咗朋友嚟天后小聚，想搵間未幫襯過嘅餐廳食晏。上網見到有人推介水星街呢間「九町屋」，裝潢採用居酒屋木系風格，用餐環境簡潔舒適。
餐廳主打日式輕食，有烏冬、拉麵、便當、壽喜鍋和丼飯等供應，而午市更有特惠套餐，定價親民。
點咗 2 款小食同 2 個套餐，蝦多士賣相好吸引，面頭撒上了黑白芝麻，入面夾滿又厚又彈嘅蝦膠，入口香氣四溢，脆而不油。
另一款唐揚雞水準亦唔錯，雞肉外脆內嫩，炸漿厚薄適中，吃得出雞味和肉汁，無須加任何調味，已經非常可口。
咖喱豬扒飯+九町屋咖啡，豬扒炸至金黃色，外層薄身香脆，入口肉嫩爆汁；咖喱汁辛香微辣，用嚟佐飯一流！咖啡甘香濃郁，質感順滑。
牛肉生薑燒便當+百香果綠茶，牛肉切成薄片，再加入帶薑香嘅醬料同炒，入口充滿牛脂香，配上微甜嘅洋蔥，開胃又易入口。
配料有關東煮、醃漬青瓜、玉子燒、甜薯及和菓子等，份量十足。百香果綠茶味道好清新，酸甜醒胃，清香怡人。
張貼
