影片
更多
2004-10-03
45 瀏覽
鍾意食麵包果個係老婆大人，尋日在這裡買了一袋包，唔得閒逐個逐個食評咁寫，一個食評出晒：麻糬波波：有原味同朱古力味兩種，內裡濕濕地又煙煙韌的，外形比Panash的一口芝士大個，食落更是兩種口感。朱古力味不算濃，但原味更不濟。十蚊四個，買左成十幾個，我地成個下晝在家看DVD都食住，味道試得好清楚；鬆餅：有提子及無提子兩款，同屬鬆餅但質地卻不大相同。英式鬆餅較腍身亦有牛油香味，提子鬆餅則較鬆散，一搣就四分五裂，一地都係。烘熱了的鬆餅，塗上果醬，味道比皇后餅店的好，起碼不喇喉。三蚊一個，五蚊兩個，對住四個鬆餅，我的Bialetti又派用場來整espresso了；健康包：一包四小個，上面灑滿麥片。吃落有糖，也不見很健康，但味道還不錯；木頭包：個賣相就似木頭，灑上糖霜，味道一般。好彩佢唔係大個，如果唔係更難銷路；熱狗：呢個就即買即食，好似係十五蚊，大大隻，熱狗腸亦大條，加上蕃茄及生菜絲同好似唔使錢的沙律醬，食得過。老婆大人選包，我就負責排隊比錢。睇落都係A-1受歡迎，人頭湧湧，對面皇后冷冷清清的。
麻糬波波：有原味同朱古力味兩種，內裡濕濕地又煙煙韌的，外形比Panash的一口芝士大個，食落更是兩種口感。朱古力味不算濃，但原味更不濟。十蚊四個，買左成十幾個，我地成個下晝在家看DVD都食住，味道試得好清楚；
鬆餅：有提子及無提子兩款，同屬鬆餅但質地卻不大相同。英式鬆餅較腍身亦有牛油香味，提子鬆餅則較鬆散，一搣就四分五裂，一地都係。烘熱了的鬆餅，塗上果醬，味道比皇后餅店的好，起碼不喇喉。三蚊一個，五蚊兩個，對住四個鬆餅，我的Bialetti又派用場來整espresso了；
健康包：一包四小個，上面灑滿麥片。吃落有糖，也不見很健康，但味道還不錯；
木頭包：個賣相就似木頭，灑上糖霜，味道一般。好彩佢唔係大個，如果唔係更難銷路；
熱狗：呢個就即買即食，好似係十五蚊，大大隻，熱狗腸亦大條，加上蕃茄及生菜絲同好似唔使錢的沙律醬，食得過。
老婆大人選包，我就負責排隊比錢。睇落都係A-1受歡迎，人頭湧湧，對面皇后冷冷清清的。
張貼