影片
更多
2022-10-25
20 瀏覽
好耐無同媽媽行街街，今日放假做返一日孝順女。foodie媽媽都係為食，所以去黄大仙中心行海味鋪，買咗花膠，冬菇，瑤柱……清晒d消費劵😂媽媽買完野，就到foodie既我係附近搵食。黃大仙中心原來都開咗唔少新嘅餐廳，今次我揀咗 #韓閣。叫左兩個set ，一個係邊爐，另一個係炸雞。1. 豆乳味噌帆立貝豚肉一人鍋呢個係媽媽叫的，本身覺得好似同韓國嘢唔係好關係，但食落先發覺幾唔錯。湯底由豆乳製成，加入脆肉瓜，好清澈。配料有韓式嘅豬肉，望落去嘅顏色似係輕微醃過，但因為只係好輕微，所以放落豆乳湯度唔會破壞咗個湯既清澈，而塊肉放入口既時侯係食到有烤肉汁，非常唔錯。另外既配料仲有墨魚丸，豆皮，生菜，帶子等等。因為怕大家唔夠飽肚，配料仲有韓式粉絲，呢一個配料相信係韓式餐廳獨有，而粉絲食落去都keep得住個咬口。2. 三兄弟無骨雞球芝士鍋黎到韓式餐廳點一定要食炸雞，炸雞，炸雞！重要嘅嘢講三次！佢提供嘅分別有雞塊同埋雞翼，上檯嘅時候佢會提供多一個爐，上面放一個鐵pan, 中間用嚟放韓式芝士汁。將炸熟左既雞塊，加熱咗，再放入熱辣辣嘅芝士汁入面，再放入口；相信大家都已經有晝面，件事好邪惡但真係好好味！而芝士汁離開
媽媽買完野，就到foodie既我係附近搵食。黃大仙中心原來都開咗唔少新嘅餐廳，今次我揀咗 #韓閣。
叫左兩個set ，一個係邊爐，另一個係炸雞。
1. 豆乳味噌帆立貝豚肉一人鍋
呢個係媽媽叫的，本身覺得好似同韓國嘢唔係好關係，但食落先發覺幾唔錯。湯底由豆乳製成，加入脆肉瓜，好清澈。
配料有韓式嘅豬肉，望落去嘅顏色似係輕微醃過，但因為只係好輕微，所以放落豆乳湯度唔會破壞咗個湯既清澈，而塊肉放入口既時侯係食到有烤肉汁，非常唔錯。
另外既配料仲有墨魚丸，豆皮，生菜，帶子等等。因為怕大家唔夠飽肚，配料仲有韓式粉絲，呢一個配料相信係韓式餐廳獨有，而粉絲食落去都keep得住個咬口。
2. 三兄弟無骨雞球芝士鍋
黎到韓式餐廳點一定要食炸雞，炸雞，炸雞！重要嘅嘢講三次！
佢提供嘅分別有雞塊同埋雞翼，上檯嘅時候佢會提供多一個爐，上面放一個鐵pan, 中間用嚟放韓式芝士汁。
將炸熟左既雞塊，加熱咗，再放入熱辣辣嘅芝士汁入面，再放入口；相信大家都已經有晝面，件事好邪惡但真係好好味！而芝士汁離開鍋後會快乾，所以要趁半凝固嘅時候盡快食！
呢個炸雞仲配有三個唔同嘅汁，咖喱，原味，蜜糖芥末；三款汁都有唔同嘅體會！
午餐時段唔算太full, 相信食客都係附近街坊，見到每台都有炸雞！我地三大一細食兩個餸都好夠，埋單差唔多$400， 價錢滿意，食物質素都唔錯。
我地帶左一個小朋友去食，職員哥哥送咗張貼紙俾佢，小朋友表示開心仔！另外，職員哥哥最後有講韓閣有5週年優惠，每滿HK$200係FB或IG Like ＆ Share即可加HK$1換炸雞, 外賣購買炸雞仲有買一送一優惠。
等我之後再黎食先！
味道: 9/10
服務: 10/10
環境: 9/10
性價比: 9/10
張貼
