影片
更多
2025-05-20
0 瀏覽
同朋友傾吓偈嘅時候問佢想食西餐定係食火鍋佢話想食火鍋，所以我上網search吓睇吓邊間評價唔錯，所以就去揀咗呢間嚟試吓，同埋佢嘅位置唔錯，係旺角E2出口附近。去到我哋揀咗D4套餐, 有龍蝦，雞煲，鮑魚，鱔片，蟶子，帶子，鮮蝦，東風螺，日本黑毛和件 A4，豚腩 片，澳洲M5和牛，黑豚肉，美國進口牛肉，牛肩胛，仲有刺身，包括珍寶帶子刺身，仿鮑魚片刺身，榮螺刺身，馬刀貝刺身，八爪魚刺身，希靈魚刺身，赤貝刺身，赤蝦刺身，甜蝦刺身，以及各樣天婦羅，烤物，炸物，甜品，啤酒，汽水和茶。佢頭盤嘅刺身非常之新鮮，刺身蝦也鮮甜，值得一試龍蝦配咗個醬非常之惹味，比較驚喜嘅係打邊爐之前有得食雞煲，個雞煲都非常之惹味，啲雞都滑㗎喎。打邊爐我哋叫咗冬瓜薏米湯底，朋友話想去濕喎，個湯底都唔錯，冇味精，食咗佢頭盤嘅海鮮，非常之驚喜有蟶子可以食，鱔片有鱔味，鮑魚非常嫩口，打邊爐的鮮蝦鮮甜美味。食得D4套餐當然就食A4和牛喇,和牛非常之好食，有牛味而且嫩滑。而且要讚一下服務員見我哋食雞有骨，即刻攞咗個大兜俾我哋裝骨，而且裝滿咗佢會定時幫我哋換一個碟。同埋我朋友非常大贊嘅係佢調味料嘅地方非常之乾淨企理。烤虎蝦都好好食。炸饅
去到我哋揀咗D4套餐, 有龍蝦，雞煲，鮑魚，鱔片，蟶子，帶子，鮮蝦，東風螺，日本黑毛和件 A4，豚腩 片，澳洲M5和牛，黑豚肉，美國進口牛肉，牛肩胛，仲有刺身，包括珍寶帶子刺身，仿鮑魚片刺身，榮螺刺身，馬刀貝刺身，八爪魚刺身，希靈魚刺身，赤貝刺身，赤蝦刺身，甜蝦刺身，以及各樣天婦羅，烤物，炸物，甜品，啤酒，汽水和茶。
佢頭盤嘅刺身非常之新鮮，刺身蝦也鮮甜，值得一試龍蝦配咗個醬非常之惹味，比較驚喜嘅係打邊爐之前有得食雞煲，個雞煲都非常之惹味，啲雞都滑㗎喎。打邊爐我哋叫咗冬瓜薏米湯底，朋友話想去濕喎，個湯底都唔錯，冇味精，食咗佢頭盤嘅海鮮，非常之驚喜有蟶子可以食，鱔片有鱔味，鮑魚非常嫩口，打邊爐的鮮蝦鮮甜美味。食得D4套餐當然就食A4和牛喇,和牛非常之好食，有牛味而且嫩滑。而且要讚一下服務員見我哋食雞有骨，即刻攞咗個大兜俾我哋裝骨，而且裝滿咗佢會定時幫我哋換一個碟。同埋我朋友非常大贊嘅係佢調味料嘅地方非常之乾淨企理。烤虎蝦都好好食。炸饅頭也非常之鬆脆可口，仲特登配埋煉奶俾我哋。甜品嘅話朱古力蛋糕同埋啫喱都非常之好食，朱古力蛋糕非常之濃郁美味。佢嘅朱古力雪糕都好濃味好食。飲品有好多種類，仲有加多寶同埋黑啤添。佢有個桃味汽水非常之好飲，夠凍，甜度適中。
同埋佢啲枱都好闊落，仲有專門嘅地方放QR code單，非常方便。
總括而言，也是一間不錯吃的店。
張貼
