豐生水起 (已結業)

依家打邊爐好興任飲任食，我哋反其道而行，貴精不貴多，而且為好姊妹慶祝生日，梗係要食好嘢啦！揀豐生水起係一個正確嘅選擇。最正係可以响OpenRice網上訂位，仲無啦啦賺咗25亞洲萬里通積分😆我哋叫咗燕窩海鮮粥底鍋同埋胡椒豬肚湯底，壽星女之前試過海鮮粥底，今次她勁讚胡椒豬肚湯底，其實在座嘅姊妹們都鍾意，因為它唔係好辣，但係胡椒香味好濃，飲落成個人暖暖地，好舒服，淥肉類特別好味。湯底足料，豬肚、蘿蔔一啲都冇少，仲有好大舊豬肉連骨，我哋食埋又等於另一個火鍋食材。海鮮粥底啲蝦、蟹、蜆都好足料、好味。火鍋食材方面，我哋叫咗頂級雪花肥牛，真係貴D都抵，肉味濃郁，好juicy，好食到要叫第2 round。另外一定要讚嘅係羊肉丸，配合埋胡椒豬肚湯底，真係好食到要encore。我都欣賞佢啲菜好新鮮、又洗得好乾淨。因為網上訂位時註明為姊妹慶祝生日，餐廳特意送咗一打壽桃包，氹到壽星女好開心，而且紅豆蓉的壽包，比平時食開的蓮蓉得女士們歡心，真係有意外驚喜。