影片
更多
2023-01-30
955 瀏覽
約咗朋友喺旺角食晏，因為佢去開新世紀，就提議去呢間芽莊。好老實，喺外國食慣十分正式嘅越南粉，喺香港曾經想搵番嗰種味道，但試過無數間越南餐廳，每一次都係失望而回，早就放棄咗唔再搵。總之知道香港越南餐冇間掂，冇期望就冇失望。去到芽莊，每人叫個 lunch set，小食叫咗牛油雞翼同釀茄子，主食都係生牛肉河，每個set $108再加一。小吃手板眼見功夫冇乜好唔好，評分淨係睇碗粉就夠。喺香港食湯麵必定有個大問題，就係啲湯永遠唔熱，和和暖嘅湯已經扣一半分。搣啲香葉落啲湯度，浸到食完都未熟，點搞？呷一啖湯，又係典型嘅港式口味，即係所有味道調低：低油低鹽低糖低香料，完成品只比雲吞麵湯底好少少。咁我食越南粉嚟做乜？食雲吞麵好過啦，仲平一大截。牛肉又勁少，數埋得薄切切三塊仔，完全唔滿足。收人舊幾水連牛肉都慳成咁，我不如食齋河粉？所以我放棄尋找越南粉就係咁解，反正平嘅貴嘅都係唔多掂，搵都嘥氣。不過都應該公平啲，唔好將佢同正式嘅比，否則必定一錢不值，要比就同其他港式越南河比。用呢個標準嚟計，芽莊嘅pho同其他平價嘢味道上都係不相伯仲，同樣唔夠熱唔夠香唔夠味，但係佢啲餸就比人少，價錢就貴過人。總結：呢啲地方都
好老實，喺外國食慣十分正式嘅越南粉，喺香港曾經想搵番嗰種味道，但試過無數間越南餐廳，每一次都係失望而回，早就放棄咗唔再搵。總之知道香港越南餐冇間掂，冇期望就冇失望。
去到芽莊，每人叫個 lunch set，小食叫咗牛油雞翼同釀茄子，主食都係生牛肉河，每個set $108再加一。
小吃手板眼見功夫冇乜好唔好，評分淨係睇碗粉就夠。喺香港食湯麵必定有個大問題，就係啲湯永遠唔熱，和和暖嘅湯已經扣一半分。搣啲香葉落啲湯度，浸到食完都未熟，點搞？
呷一啖湯，又係典型嘅港式口味，即係所有味道調低：低油低鹽低糖低香料，完成品只比雲吞麵湯底好少少。咁我食越南粉嚟做乜？食雲吞麵好過啦，仲平一大截。
牛肉又勁少，數埋得薄切切三塊仔，完全唔滿足。收人舊幾水連牛肉都慳成咁，我不如食齋河粉？
所以我放棄尋找越南粉就係咁解，反正平嘅貴嘅都係唔多掂，搵都嘥氣。不過都應該公平啲，唔好將佢同正式嘅比，否則必定一錢不值，要比就同其他港式越南河比。
用呢個標準嚟計，芽莊嘅pho同其他平價嘢味道上都係不相伯仲，同樣唔夠熱唔夠香唔夠味，但係佢啲餸就比人少，價錢就貴過人。
總結：呢啲地方都係食環境，約朋友吹吓水都ok，如果想食好嘢就搵過第度算。
張貼
