居食屋「和民」 (宇晴匯)

營業中

休息中

今日3點幾到，人流唔算多，好多卡位可以坐。坐低叫咗一個鰻魚牛肉盒子飯，赤海老剌身，帆立貝柱剌身，炸雞同壽喜燒牛肉鍋加烏冬。上菜速度有少少慢，雖然個飯同剌身到咗但都等咗都有30分鐘先有個鍋。食物方面，個盒子飯99蚊 但就唔係特別出色，鰻魚仲覺得有啲腥，剌身就普普通通，唔係話特別清甜，炸雞岩岩炸好，幾好多，枱面有啲七味粉加 加落個個炸雞到，幾有驚喜。個牛肉鍋都幾好食，烏冬要另外加錢先有，份量都算多，夠2個人食。埋單300幾接近400蚊，但無咩驚喜，頗貴。