今晚光顧此食店，一心想試佢地嘅二人套餐，因為睇menu食物賣相好似幾吸引，價錢也相宜，有６樣食物只係$218，但係只有一樣係好食嘅，我發誓以後一定一定一定唔會再幫襯
雜錦刺身：
蝦5隻：OK 三文魚3塊
K 帶子８塊: 我, 同阿媽(一個煮咗幾十年飯嘅專業家庭主婦)都食出全部係素帶子, 賣相完全睇唔出，食落仲有條白色嘅帶子裙邊，其實咬落就知係Ｄ唔知咩鬼植物做嘅！我地無出聲，因為知道呢餐好平，但係一間日式食肆居然諗出Ｄ咁嘅詭計呢呃人，實在枉喺呢個食界生存！我地唔介意要比多Ｄ＄食一餐，個餐嘅價錢係你地set嘅，你做唔到咁平可以唔做，但比假嘢呃人就真係衰到貼地
雜錦沙律：幾件炸雞＋生菜，不過不失，但無特別
泡菜豬肉石鍋飯：泡菜好貴咩？全個唔熱嘅石鍋只係得泡菜－－－汁，係只得汁；而且其他料只得好少好少，只得無味嘅芽菜，幾條紅蘿蔔，幾塊豬肉，紫菜碎，泡菜汁，同唔熱嘅飯，阿媽話都唔知食咗MUG嘢落肚
藍青口：幾隻藍青口係真嘅，不過無味同唔熱
牛油炒雜菇帶子：完全無牛油味，主角係雜菇，有好多；帶子係百佳賣＄２０唔使一大包嘅細細粒元貝仔－－仲要係只得４大粒，我地好似尋寶咁仔細搜尋先搵到極珍貴嘅４粒狀
牛肉鍋：可以講係全晚最正常嘅一道菜，肥牛同配菜份量都夠，係咸咗少少
態度惡劣
１。金毛少年帶位，對正冷氣口，媽問有無Ｄ無咁凍嘅位，佢好似聾子咁完全聽唔到就咁行咗去
２。落單後，女侍應收哂我地嘅碟，話我地唔使用，比咗幾隻碗，碗內Ｄ漆全部甩嘅，係大範圍咁甩，佢地唔肯換，我地食刺身，沙律，飯，飲湯都係用一隻碗
３。牛肉鍋，落單時我地選擇自己碌，佢地連爐到擺咗喺枱，點知牛肉鍋上時係已經碌好哂嘅一鍋，都唔知攪ＭＵＧ鬼！
４。食完我示意埋單，我地等咗一陣，唔知出樓面埋定喺枱埋，金毛侍應咁啱在隔離枱，問佢係咪喺度埋，佢又係行咗去，直情答你都嘥氣
態度咁差仲有人請，可以話係一個奇蹟！！！唔知點解，喺過去十幾年我幫襯過嘅１０次內，總係keep住喺呢間嘢遇到呢Ｄ奇人異仕
