影片
更多
2025-05-21
0 瀏覽
📍富山麵家 (銅鑼灣希雲街7號地舖 地鐵站F出口步行約6分鐘)一踏入銅鑼灣嘅富山麵家，哇！成個環境都係貓貓主題😻周圍嘅裝飾好cute，滿滿貓元素，令人即刻覺得好輕鬆好chill！雖然舖頭望落好似細細間，但入到去坐低先發現位子好闊落，坐得超舒服！ 仲有貼心嘅置物籃俾你放袋，真係好細心，呢點真要畀個like！👏🏻講到餐廳嘅周邊，今次嘅主題商品真心推介！尤其係嗰個拉面碗加匙羹（$178），拎上手質感好實淨超有份量，係真材實料！仲有環保袋（$78）同扣針（$58），啲設計都好有心機，如果三樣一齊買仲抵添，價錢係$278🩷食物招牌牛奶奶奶麵 🍜 $98一碗有齊一嚿超軟腍嘅豬軟骨，超脆嘅即炸天婦羅蝦同埋一片厚切叉燒！拉麵軟硬度啱啱好超級彈牙，份量仲好多，食完真係好滿足！另外試咗咖喱撈麵🍛$118呢個真係超有心思！面層用天婦羅碎砌成一座富士山，仲有可愛嘅貓咪魚蛋，視覺效果滿分！配菜有炸雞同天婦羅蝦，炸雞香脆多汁，天婦羅蝦新鮮彈牙😋章魚燒 🐙$48即叫即整，熱辣辣送上，每粒都有大大舊章魚，咬落超惹味，調味啱啱好，係必試之選！飲品🍹1.士多啤梨椰果梳打 $38好驚喜，底層有細細粒嘅椰果，飲管完全唔會卡，
(銅鑼灣希雲街7號地舖 地鐵站F出口步行約6分鐘)
一踏入銅鑼灣嘅富山麵家，哇！成個環境都係貓貓主題😻
周圍嘅裝飾好cute，滿滿貓元素，令人即刻覺得好輕鬆好chill！雖然舖頭望落好似細細間，但入到去坐低先發現位子好闊落，坐得超舒服！
仲有貼心嘅置物籃俾你放袋，真係好細心，呢點真要畀個like！👏🏻
講到餐廳嘅周邊，今次嘅主題商品真心推介！
尤其係嗰個拉面碗加匙羹（$178），拎上手質感好實淨超有份量，係真材實料！
仲有環保袋（$78）同扣針（$58），啲設計都好有心機，如果三樣一齊買仲抵添，價錢係$278🩷
食物
招牌牛奶奶奶麵 🍜 $98
一碗有齊一嚿超軟腍嘅豬軟骨，超脆嘅即炸天婦羅蝦同埋一片厚切叉燒！拉麵軟硬度啱啱好超級彈牙，份量仲好多，食完真係好滿足！
另外試咗咖喱撈麵🍛$118
呢個真係超有心思！面層用天婦羅碎砌成一座富士山，仲有可愛嘅貓咪魚蛋，視覺效果滿分！
配菜有炸雞同天婦羅蝦，炸雞香脆多汁，天婦羅蝦新鮮彈牙😋
章魚燒 🐙$48
即叫即整，熱辣辣送上，每粒都有大大舊章魚，咬落超惹味，調味啱啱好，係必試之選！
飲品🍹
1.士多啤梨椰果梳打 $38
好驚喜，底層有細細粒嘅椰果，飲管完全唔會卡，平時唔鍾意飲甜嘢嘅我都覺得OK，甜度好平衡，味道好夾！
2.白桃烏龍奶茶 $38
呢一杯更加係驚喜！奶茶冇另外加糖，味道比出面嘅奶茶店仲要好，入口好順滑！
最值得讚嘅係兩杯飲品上面嘅cream都好有奶香，唔係嗰啲假假地嘅cream，質素真係高💗
甜品🍧
三色芭菲$48
裏面分別有抹茶、士多啤梨同芒果三款雪糕，味道濃郁又唔會過甜，底層仲有個好結實嘅夾心餅，食完真是一個大滿足！
整體黎講，富山麵家唔單止食物好食，環境同服務都好有心，絕對係返食之選！
不過如果胃口比較細食嘅女仔，建議可以同朋友share一碗麵，跟住每人一杯飲品加個小食都已經足夠，下次仲想試其他菜式同買多啲周邊🥰
張貼
