影片
更多
2021-05-18
528 瀏覽
日頭喺旺角買完嘢，又未夠鐘同朋友食晚飯，於是我就搵下附近有乜Cafe可以坐低歇下腳🦶。我上網見到「逗號咖啡廳Comma Cafe」有貓貓坐鎮喎，咁就去呢度啦。一出𨋢，店員就前來迎接我，我先發現原來呢度係女僕Cafe嚟‼️。女僕好可愛啊，又好好人😍，佢仲同客人一齊玩貓貓同傾偈。由於我唔肚餓，所以只係叫咗輕食同飲品。價錢嚟講有少少貴🤔，全部項目只可以單點，如果有套餐就會好啲。經典法式瑪德蓮Madeleine ($48)，🧁呢隻貝殼蛋糕我見就見得多，但都係今日先知佢叫乜名，哈哈。蛋糕仔一客兩件，唔好睇佢個樣平平無奇，其實都幾好味㗎😋。蛋糕外皮烘至微脆，內裡就頗為鬆軟，而味道則富有蛋香，係最經典嘅蛋糕滋味，當中更帶點檸檬香🍋。只係得兩件真係唔多夠喉啊！雲尼拿蘋果粒茶($68/壺)，🌸花茶有多款口味，我揀選嘅呢款幾香，蘋果味突出，顏色仲好靚添。🍯蜜糖分開奉上，等客人可自行調節甜度。可能由於貓貓四圍走嘅關係，為免發生意外🫖，所以茶壺唔會就咁放喺枱面，斟完後交返比店員擺放，想飲時再請佢哋幫手。Cafe環境細細，但都已經夠貓貓滿場飛🐱，佢成日都會搵客人玩，仲會同我哋一齊睇餐牌，好搞笑。不過佢都算乖㗎喇，
日頭喺旺角買完嘢，又未夠鐘同朋友食晚飯，於是我就搵下附近有乜Cafe可以坐低歇下腳🦶。我上網見到「逗號咖啡廳Comma Cafe」有貓貓坐鎮喎，咁就去呢度啦。
一出𨋢，店員就前來迎接我，我先發現原來呢度係女僕Cafe嚟‼️。女僕好可愛啊，又好好人😍，佢仲同客人一齊玩貓貓同傾偈。
由於我唔肚餓，所以只係叫咗輕食同飲品。價錢嚟講有少少貴🤔，全部項目只可以單點，如果有套餐就會好啲。
經典法式瑪德蓮
$48
9 瀏覽
0 讚好
0 留言
經典法式瑪德蓮Madeleine ($48)，🧁呢隻貝殼蛋糕我見就見得多，但都係今日先知佢叫乜名，哈哈。蛋糕仔一客兩件，唔好睇佢個樣平平無奇，其實都幾好味㗎😋。蛋糕外皮烘至微脆，內裡就頗為鬆軟，而味道則富有蛋香，係最經典嘅蛋糕滋味，當中更帶點檸檬香🍋。只係得兩件真係唔多夠喉啊！
雲尼拿蘋果粒茶($68/壺)，🌸花茶有多款口味，我揀選嘅呢款幾香，蘋果味突出，顏色仲好靚添。🍯蜜糖分開奉上，等客人可自行調節甜度。可能由於貓貓四圍走嘅關係，為免發生意外🫖，所以茶壺唔會就咁放喺枱面，斟完後交返比店員擺放，想飲時再請佢哋幫手。
Cafe環境細細，但都已經夠貓貓滿場飛🐱，佢成日都會搵客人玩，仲會同我哋一齊睇餐牌，好搞笑。不過佢都算乖㗎喇，無搗蛋😛。
總括嚟講，我呢個幾鐘喺Cafe過得好愉快，可以靜靜哋休息一會，但又唔會好悶😌。如果想同貓星人玩，又或者想見識下女僕Cafe，不妨嚟呢度體驗一下哦～。
張貼
