尚上下夏 - 養生雞煲火鍋 (已結業)

呢間係似港式大排檔,不過唔會太熱，有分室外同室內，可以喺冷氣下打邊爐。火鍋店嘅特色莫過於可愛小貓手繪嘅牆壁，每幅圖都好有心思。雞煲單鍋$169/半隻雞髀配雞胸雙併雞煲可以揀辣度, 我地呢排食得辣嘢多，今次揀左唔辣。不過，始終辣雞煲嘅風味更突出。雞件份量正常，仲有少少豬皮同埋配菜，如果有埋冬菇就更好。瑤柱群翅雞湯HK$48有大大件雞肉同翅頭，亦有少量瑤柱，湯底唔會太肥膩。 荽茜午餐肉餃$79接近8 隻咁多，荽茜唔會太突出，亦無草青味。。特選黑豚肉$60雖然只有四片，但係紋理分明，口感軟腍。萵筍$30唐生菜 $49清熱滋潤竹庶茅根$58