池記 (已結業)

中午看電影前先揾食,胃口麻麻想食粥,這店水準如何其實一早心裡有數,奈何整個商場只得這裡獨家供應!及弟粥----有豬膶、豬肚各三件及兩粒肉丸,豬膶味道不太新鮮,咬落質感人工化得過份!豬肚在滚粥前已經用滚水烚得淡而無味,反而肉丸味道不錯,沒有雪味頗彈牙.粥底是最弱的一環!淡而無味!材料有材料烚,粥有粥自己滚(有點像將米粒打碎後再攞去煲)感覺是在吃一碗米漿而不是一碗粥!檯面的清潔麻麻!有上手客人的食物殘渣留在檯邊,打開餐牌又豉油漬又有條麵喺度.....始終食生滚粥都係要去返Ｄ老字號至啱口味.