麵屋一平安 (已結業)

食日本野我就最開心，基本上食日本野仲多過其他菜式，呢個商場我都係第一次來，見到有呢間日本嘢食即刻入咗去，啲嘢食中價位，但係有呢個價錢就真係有呢個質素！ 叫咗個豬骨拉麵，雞肉串燒同埋墨魚，拉麵係好彈牙，湯底好正，不過最正嘅莫過是佢嘅豚肉，真係超級無敵好味！食完之後勁想再叫多碟豚肉黎食！不過實在太飽啦所以諗住下次過嚟食嘅時候再嗌過！雞肉串燒差唔多成＄30一串，我就覺得普普通通，唔覺得有咩特別，係價錢上真係貴咗啲！