樂園

營業中

休息中

聽聞紅豆奶茶係呢間店嘅原創，名物仲有周一腹最鐘意嘅豬扒同沙嗲牛肉，決定黎一試。都唔知有幾耐無去過熟食中心，環境同衛生比預期好，嗰度有好幾間食肆，不過營業緊嘅就只有呢間，其他店鋪好似做午市同晚市。經過精密嘅計算，梗係叫沙嗲牛肉西多士同豬扒麵再加杯紅豆奶茶。奶茶好快就送上，我覺得紅豆同奶茶比例同甜度剛剛好，好融合，唔會互搶味道，不過周一腹就覺得好普通；然後到豬扒麵，豬扒好香蔥油，好淋，不過就薄左少少咁啦；我最期待嘅西多士到啦（我真係期待西多士咋，牛肉唔係我目標），切好西多士，四隻角梗係歸我，因為沾到牛肉最少，切個陣唔好諗住係流心，會有一埋沙嗲汁湧出黎，只係微量醬汁剛好掛係牛肉度，周一腹話我計算失誤，因為咁樣試唔到沙嗲味，而且佢覺得出面甜入面咸，好奇怪。