波士冰室

營業中

休息中

灣仔波士冰室吉列豬扒旋渦蛋包飯蛋包飯可以配照燒汁，咖哩汁或者黑椒汁。我點左照燒汁，味道相對冇咁濃，唔會蓋過蛋包飯嘅蛋味。蛋夠哂大隻，呈旋渦狀，穩穩蓋係飯上面。可惜食落冇乜特別之處。米飯形狀圓潤，有啲似珍珠米，但食落又冇珍珠米果種獨有嘅黏糯口感，同一般米飯差唔同。最出色嘅係塊吉列豬扒，塊扒仲大過我塊面，勁大塊。咬落仲係卜卜脆嘅，炸嘅時間控制得岩岩好，肉質唔會好乾，抵贊。連一杯熱飲外賣66蚊，整體不俗。