新景園咖喱小廚

營業中

休息中

作為黃店，新景園最彪炳的事跡，肯定是老闆娘趕譚廿五走唔做佢生意。聽落好似好串，但實地考察後，卻發現成間舖上上下下都好有禮貌。雖然我不嗜辣，但既然一場來到，也決定叫一客鎮店之寶 -- 咖喱豬扒飯，再配一枝大可樂，剛好一百大元，可真不便宜啊！先說咖喱汁：它本身偏辣，亦沒有日式甜咖喱或星馬椰汁咖喱般杰身，雖然並非我喜歡的類型，但咖喱味確實香濃。最值得一讚的是：咖喱汁跟飯是分開上，很能顧及不太吃得辣的人。豬扒則非常非常好吃，大大塊，炸得皮脆肉嫰，肉味濃，肉汁仍能充份保留，水準算香港數一數二，難怪乎慕名而來的人絡繹不絕，店外每天大排長龍。雖然碟飯有點貴，但由於它實在太大碟，我把它幹掉後，結果當晚連晚餐也吃不下，所以計落條數其實有賺呀😆😆！