德運豬扒車仔麵 (已結業)

去佐敦附近行街搵嘢食， 啲人讚佢嘅豬扒好味，於是去試下。因為八號風球轉三號風球冇幾耐，所以街都唔多人。呢間餐廳都冇乜人，不過食食下就越嚟越多人，好多人買外賣添，應該係街坊生意，口碑唔錯。豬扒可以另上， 唔會畀個湯浸到腍曬。豬扒炸得比較油，第一塊有啲肥膏，好腍， 似係畀鬆肉粉醃過龍。第二塊豬扒連骨嘅，呢塊冇第一塊醃得咁勁，口感正常啲，幾好味。 白蘿蔔好清甜，唔算有渣，炆到好腍，仲有少少薑味添，可以僻走白蘿蔔嘅寒。 咖哩魷魚幾爽口，有咖哩味又唔算太辣。雞翼一般， 唔算十分入味，不過炆到好腍，好易去骨。