新南苑私房菜 (已結業)

我們一行四人去了新南苑私房菜，原來可以打邊爐，食材非一般，有不同套餐選擇，當中有任食項目。營業時間還去到零晨2點，有房可以訂，有電視可睇波，還有卡拉ok又真係幾好，一班人訂間房很不錯。我們點了大滿貫餐（$798位）🔸先來前菜小吃：都有幾款，麻辣雞腳，甜合桃，蝦多士😋，好味！🔸時令刺身：三文魚，八爪魚，北寄貝，帶子，赤海蝦，螺肉，鮑魚（這個鮑魚好像是有用醬汁煮過的，特別好味！）刺身多款而且各樣都新鮮！🔸揀了麻辣雞煲，切得都不細件，最怕細細粒好難食到肉，味道好惹味，少辣都真係好好味，最怕辣過龍🤭🔸吃完雞煲可揀一個湯底，養生湯底有椰子花膠，打邊爐喇喂👏🏻，來了海鮮併盤，有5款，龍蝦，海蝦，生蠔，脆鯇魚，貝類；有龍蝦任食都值回票價，海蝦好新鮮，龍蝦肉都好彈牙👍🏻🔸火鍋配料都哇一聲，靚牛都有三款，本地手切牛頸脊，A4岩手縣黑毛和牛肩胛，A4黑毛和牛後腰肉；本地手切是牛味濃一點，後腰肉都好滑，牛味也豐富，最軟最滑就是牛肩胛，油脂分布也多一點！還有其他配料不能盡錄！