蠔站 (傲雲峰)

營業中

休息中

做工辛苦，要食好野獎勵自己。喜歡到這店食是因為這裡嘅蠔又抵食， 又好味，最重要是食了幾次我個肚都未試過出事。我好喜歡食蠔，但無論去酒店食或餐廳食都試過食到肚瀉，而這裡我就食得安心。午餐包括有餐湯、麵包、主菜、飲品和甜品，非常豐富。今日嘅生蠔來自法國，冇鹽水味，好細隻，但新鮮。我要了燒澳洲牛柳大蝦，牛柳六成熟，燒得好好，肉質不鞋，有牛肉味。朋友要了忌廉汁煙三文魚扁意粉，意粉微韌，有口感；忌廉汁味濃，與煙三文魚嘅咸味很配合。最後有雪糕泡芙做甜品，朋友感到驚喜，他愛吃這甜品。整體而言，食物質素很好，但份量太細，對男生來說係唔夠飽。