影片
更多
2023-09-16
80 瀏覽
初心(將軍澳)今日朋友帶我到將軍澳初心，食雞煲火鍋任食放題 。食過的朋友一定會想再來，我已經食過幾次，都會帶唔同朋友嚟試。餐廳 座位寬闊，具有日式設計特色， 星期一至四成人每位298蚊。 店員有善，食得好開心。1 .宮廷小食五款 宮廷小食是不定期轉換的，而且可以追加。今日提供嘅係涼拌雲耳、松露蝦多士、麻辣鴨血 、漬牛膀和 炸三文魚 。涼拌雲有麻辣嘅味道，好惹味、好開胃。我最鍾意松露蝦多士，炸得好香脆，又唔會好油，松露味好香，可以encore! 2. 日式刺身刺身今日有厚切三文魚，三文魚好靚，充滿油光，食落好滑、好新鮮。3. 招牌雞煲 最重要梗係雞煲啦！我地唔食得辣，所以揀咗唔辣，但其實可以任揀辣嘅程度㗎。雖然唔辣，但我地依個都好惹味，因為有好多調味材料，好似花椒八角咁～雞件好多，件件都好多肉，啲肉都滑，仲吸滿醬汁。另外，仲有豬皮、洋蔥、枝竹、芫茜，食落更香口，枝竹同豬皮吸滿醬汁嘅味道，非常好味。4. 火鍋湯底食完雞煲就打邊爐！湯底多元化，有養生蓮花鍋、藥膳醉雞鍋、澳門豬骨鍋、 四川麻辣鍋和香濃沙嗲鍋， 我哋揀咗最愛嘅豬骨鍋，清清地，唔會掩蓋食材嘅鮮味～5. 環球海星拼盤打邊爐會配個拼盤
今日朋友帶我到將軍澳初心，食雞煲火鍋任食放題 。食過的朋友一定會想再來，我已經食過幾次，都會帶唔同朋友嚟試。餐廳 座位寬闊，具有日式設計特色， 星期一至四成人每位298蚊。 店員有善，食得好開心。
1 .宮廷小食五款
宮廷小食是不定期轉換的，而且可以追加。今日提供嘅係涼拌雲耳、松露蝦多士、麻辣鴨血 、漬牛膀和 炸三文魚 。涼拌雲有麻辣嘅味道，好惹味、好開胃。我最鍾意松露蝦多士，炸得好香脆，又唔會好油，松露味好香，可以encore!
2. 日式刺身
刺身今日有厚切三文魚，三文魚好靚，充滿油光，食落好滑、好新鮮。
3. 招牌雞煲
最重要梗係雞煲啦！我地唔食得辣，所以揀咗唔辣，但其實可以任揀辣嘅程度㗎。雖然唔辣，但我地依個都好惹味，因為有好多調味材料，好似花椒八角咁～雞件好多，件件都好多肉，啲肉都滑，仲吸滿醬汁。另外，仲有豬皮、洋蔥、枝竹、芫茜，食落更香口，枝竹同豬皮吸滿醬汁嘅味道，非常好味。
4. 火鍋湯底
食完雞煲就打邊爐！湯底多元化，有養生蓮花鍋、藥膳醉雞鍋、澳門豬骨鍋、 四川麻辣鍋和香濃沙嗲鍋， 我哋揀咗最愛嘅豬骨鍋，清清地，唔會掩蓋食材嘅鮮味～
5. 環球海星拼盤
打邊爐會配個拼盤，每天六款不時轉換。今日有龍躉片、 鮑魚、 吊片 、 生猛海蝦、翡翠螺和海蜆。龍躉片好厚、好滑。鮑魚大大隻，有咬口。海蝦新鮮，口感彈牙。海蜆脹卜卜，好鮮甜！。
6. 火鍋配料
餐廳嘅火鍋配料非常多，有齊極上肥牛、黑豚肉、水餃、黃金魚腐、魚皮餃同金菇。肥牛雖然係任食，質素都好好，肥牛大大片，肉味濃。水餃大大粒，入面好多材料。黃金魚腐煙韌鮮甜。
餐廳仲提供多種醬料選擇，款式眾多，包括芫茜、蔥花、麻醬、沙嗲醬生、蒜蓉、炸蒜蓉 、桂林辣椒醬、指天椒。另外，餐廳飲品任飲，仲會送驚喜甜品一客！如果滿六位再加送壽星免費！
張貼
