長浜No.1拉麵

營業中

休息中

同fd黎食lunch，見到奶白色豚骨湯底表示好想試。有七款拉麵揀，No.1 拉麵見好多人推介。玉子拉麵 $98我揀左走蔥走蒜，第一啖一定係飲湯先，好清甜，唔係好濃果種，所以食完都唔會好口渴。日本師傳主理，見佢一個人煮咁多麵好勁。流心蛋實在太好味喇！好滑，沾上醬油味，蛋黃好香，超有水準！二片叉燒微微燒過，肥瘦適中，幼麵條掛湯，麵條有彈性，每樣都好食！No.1 拉麵 $105朋友叫左哩款，都係最多人食既一款，重量級，紫色、叉燒都比我果碗double。佢果款加左蒜，湯底會濃味d，中意食濃味既記得加蒜。我地食完都好飽，同埋覺得可encore名單。