Pizza Piazza (已結業)

今日午餐係荔枝角地鐵站附近解決，黎左Pizza Piazza食西餐！午餐pizza的選擇都不少，餐牌後面有樣可以參考。同家人決定叫一個芝士四重奏手工pizza加西班牙黑毛豬扒一齊食。首先上餐湯同餐包。湯不會太稀，感覺真材實料，麵包上來時熱熱地，咬落鬆軟，好食。再來西班牙黑毛豬扒。豬扒一切開已經覺得好淋好鬆化，食落一點也不會韌，脂肪部分亦不覺肥膩，反而很香，加上旁邊的蘋果蓉，味道好balance，蕃薯條香甜，個人喜愛蕃薯條多過薯條。再來芝士四重奏手工pizza。芝士好香濃，食到blue cheese味道，但又不會太搶，好好味，雖然好飽，但最後都食得晒！最後叫埋餐飲，叫左西柚味有汽果汁汽水。個人未見過未飲過這款汽水，西柚味濃，又不會好似普通汽水咁假，食到咁飽之後飲這支好舒服。