正宗水上人氣鍋專門店 (已結業)

好耐冇食海鮮 ，今日朋友話帶我去食蒸海鮮，地點喺旺角又真係幾方便。入到去地方寬敞，我哋要咗張圓枱，朋友揸主意，點左好多海鮮：有蜆、龍蝦、鮑魚、扇貝、蟹等等。我幾鍾意食蜆，侍應哥哥話係蒲苔蜆，都幾大隻分量都幾多，每人都可以食到七八隻 ，鮮甜又無沙。生猛海蝦又係大大隻，隻隻都長過中指，啲肉夠結實同彈牙，爽口而且爆多膏，蝦頭勁惹味！  跟住仲有食蒸花蟹，蟹膏就唔算太多，但勝在真係好好肉，新鮮又鮮味 蒜蓉蒸扇貝係我嘅favorite ，蒸出嚟清甜，粒扇貝肉質又夠厚身，好有口感！ 再來係蒸鮑魚~上面加左香草汁，鮑魚蒸得剛好，好腍味香，唔錯~蒸娃娃菜,上面仲放左點肉碎，好特別的味道！ 菜本身已經很甜。食到尾仲有蒸雞、蒸馬拉糕同埋最後既粥底而我最鍾意都係蒸馬拉糕，超級耐無食過蒸馬拉糕非常鬆軟，微甜，即蒸即食超正！