極上帝王水產

營業中

休息中

旺角兆萬放題好去處，一入座就有刺身船登場🌊🛳️乾冰冒煙，好戲劇性～打卡一流📸！赤貝、珍寶赤蝦鮮甜到爆燈🦪🦐，三文魚滑得嚟又肥美，超滿足！🔥燒物一定要食鰻魚串，鹹香入味又厚身，炸芝士年糕流心勁香🧀😮‍💨，麻醬肥牛惹味十足，夾到唔停手～安格斯牛燒得啱啱好都唔錯！🍲壽喜鍋打邊爐食法好玩又有層次～牛油爆香再落蒜茸洋蔥🧄🧅，湯濃味香～烏冬索汁索到精華都入晒肚～🍣升級版生蠔Set加鰻魚，壽司飯量啱啱好唔會飽滯🍙💯 飲品雪糕款式超多，小心分分鐘食過龍😂🍦店員夠勤快，收碟快、態度好😄雖然座位逼啲，但一班friend嚟開心到唔覺迫！