空

營業中

休息中

餐廳唔難搵，係科學館對面就係啦。刺身選擇好多，一於叫個特上刺身拼盤，由師傅揸主意，會有一兩款特別既時令海鮮，例如鯖魚、金目鯛刺身，係平時食唔到。食材好新鮮，油甘魚唔會有一般出面食到既鐵銹味。帶子、鮮蝦、吞拿魚腩都非常creamy！最特別係鯖魚，味道豐富有層次！之後仲叫左天婦羅烏冬，大大碗一定夠飽肚。仲有燒鰻魚，店員話今日鰻魚好靚好肥美，食落真係無介紹錯，勁juicy，真心好味！店員好好人，對食材有一定認識，上菜既時候都會介紹有咩特別同點樣分先後次序食會好味d。總括黎講食得相當愉快，下次再黎食過！