351
26
17
等級4
298
1
2017-08-26 4504 瀏覽
今日約咗好姊妹行Time Square, 晚餐諗住去食通天,但行了一圈都無頭緒,就去咗利舞台搵食。就係20樓見到有玉桃軒,之前試過觀塘嗰間好好食,今次就試呢間睇吓有無驚喜啦!一入門口見佢有個三寶推介好吸引,而三寶包括有一隻一品蒜香雞半隻、清蒸海石班一條、再可以選多一個小菜,都只係$328。小食方面就要咗碟海蜇拼燻蹄,海蜇唔肥切得夠薄,仲要皮同肥膏好少,而肉嘅比例多,點一下附上嘅酸醋,好好味。而海蜇有好爽脆嘅質感,伴有麻油嘅香味,呢個餐前小食一流。講返三寶先,第一味“一品蒜香雞半隻”,平時對炸雞就麻麻哋,因為好驚肥膩,但呢個蒜香雞一上枱已香氣誘人,雞皮好薄炸到好香脆,仲要無肥膏,而雞肉仍然保留著肉汁,最重要係隻雞好有雞味,加上蒜香食到好難停口,食完睇吓隻碟底係無咩油 ,即係炸嘅火候控制得好好,最後用猛火回鑊再炸過嚟收緊個肉汁同油脂。第二味“清蒸海石班一條”呢個蒸得剛熟,魚肉滑溜不在話,而魚嘅油脂仍留係魚皮,加上係海石班,完全無火水味,加上蒸魚嘅豉油,下飯一流。而最後一味要咗“菠蘿咕嚕肉”,咕嚕肉最怕係肥膏同粉多,呢個完全無呢個問題,因為佢炸到皮脆,而內裹嘅肉汁仍在,仲要無肥豬肉,加上酸甜
更多
今日約咗好姊妹行Time Square, 晚餐諗住去食通天,但行了一圈都無頭緒,就去咗利舞台搵食。
161 瀏覽
0 讚好
0 留言

73 瀏覽
0 讚好
0 留言

就係20樓見到有玉桃軒,之前試過觀塘嗰間好好食,今次就試呢間睇吓有無驚喜啦!
79 瀏覽
0 讚好
0 留言

一入門口見佢有個三寶推介好吸引,而三寶包括有一隻一品蒜香雞半隻、清蒸海石班一條、再可以選多一個小菜,都只係$328。
48 瀏覽
0 讚好
0 留言

145 瀏覽
0 讚好
0 留言

小食方面就要咗碟海蜇拼燻蹄,海蜇唔肥切得夠薄,仲要皮同肥膏好少,而肉嘅比例多,點一下附上嘅酸醋,好好味。而海蜇有好爽脆嘅質感,伴有麻油嘅香味,呢個餐前小食一流。

講返三寶先,第一味“一品蒜香雞半隻”,平時對炸雞就麻麻哋,因為好驚肥膩,但呢個蒜香雞一上枱已香氣誘人,雞皮好薄炸到好香脆,仲要無肥膏,而雞肉仍然保留著肉汁,最重要係隻雞好有雞味,加上蒜香食到好難停口,食完睇吓隻碟底係無咩油 ,即係炸嘅火候控制得好好,最後用猛火回鑊再炸過嚟收緊個肉汁同油脂。

第二味“清蒸海石班一條”呢個蒸得剛熟,魚肉滑溜不在話,而魚嘅油脂仍留係魚皮,加上係海石班,完全無火水味,加上蒸魚嘅豉油,下飯一流。

而最後一味要咗“菠蘿咕嚕肉”,咕嚕肉最怕係肥膏同粉多,呢個完全無呢個問題,因為佢炸到皮脆,而內裹嘅肉汁仍在,仲要無肥豬肉,加上酸甜嘅菠蘿,回味無窮。

33 瀏覽
0 讚好
0 留言

20 瀏覽
0 讚好
0 留言

21 瀏覽
0 讚好
0 留言

20 瀏覽
0 讚好
0 留言

(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2017-08-23
用餐途徑
堂食
人均消費
$250 (晚餐)