老虎堂黑糖專売 (T.O.P This is Our Place)

營業中

休息中

今次去老虎堂試咗佢哋嘅黑糖豆腐波霸，真係好味，值得俾4分！超耐冇食過，至少有六年，今日咁啱行街見到，所以買咗嚟試吓，果然冇令我失望。等得都快，問佢話約10分鐘，結果5分鐘左右就拎到。❥ 黑糖豆腐波霸呢杯奶茶嘅黑糖味道濃郁，甜而不膩，完全衬托出奶茶本身嘅茶香。而且，豆腐嘅加入，令到成杯嘢多咗一層豆香，口感滑順，真係出色過之前喺第二間度飲過嘅豆腐奶茶，令人驚喜。珍珠方面，口感比較糊，可能浸得比較耐，有少少化，咬落去煙煙韌韌正常嘅，搭配黑糖同豆腐，整體味道平衡得好好，真係一個唔錯嘅選擇。飲完之後，心情都好咗，真係童年回憶都返晒嚟。