影片
更多
2019-12-29
1446 瀏覽
久仰屋企附近嘅新office bldg K11終於開張，路過見到樓上餐廳已經熙來攘往，原來就係呢間連鎖店，趁住佳節去試吓先~我之前都講過鍾情risotto,喺menu揀咗一輪終於點咗呢個三文魚扒，大大份相當厚實，但又唔會好滯塞住個胃，味道亦適中，帶有三文魚香兼唔會腥，配合底下軟稔度剛剛好嘅risotto再加上幾滴伴碟嘅檸檬汁調吓味就成就咗一道簡單而豐富嘅晚餐啦~屋企人就點咗雞扒(雖然呢間嘢拿手小菜並非魚同雞)，聽講啲雞有少少嚡口，但整體都易入口，肉汁juicy,而伴碟嘅薯條就起到畫龍點睛之效。因北角店新張優惠，多咗碟贈送嘅雞翼，份量絕不欺場，外皮煎得脆卜卜，相當惹味可口，雞肉亦夠嫩滑，挽回一啲分數。順帶一提呢座bldg都頗摩登，餐廳裝修光猛闊落，廁所乾淨整齊，食得舒服去得過
我之前都講過鍾情risotto,喺menu揀咗一輪終於點咗呢個三文魚扒，大大份相當厚實，但又唔會好滯塞住個胃，味道亦適中，帶有三文魚香兼唔會腥，配合底下軟稔度剛剛好嘅risotto再加上幾滴伴碟嘅檸檬汁調吓味就成就咗一道簡單而豐富嘅晚餐啦~
屋企人就點咗雞扒(雖然呢間嘢拿手小菜並非魚同雞)，聽講啲雞有少少嚡口，但整體都易入口，肉汁juicy,而伴碟嘅薯條就起到畫龍點睛之效。
因北角店新張優惠，多咗碟贈送嘅雞翼，份量絕不欺場，外皮煎得脆卜卜，相當惹味可口，雞肉亦夠嫩滑，挽回一啲分數。
順帶一提呢座bldg都頗摩登，餐廳裝修光猛闊落，廁所乾淨整齊，食得舒服去得過
張貼
