德藝會

營業中

休息中

友人相約飲茶，我就建議黎club one嘆番杯茶。今次就黎到九龍灣德福嘅德藝會喇！一入去，進入了會所範圍後靠右就係午市茶座位置。全廳環境以藍白色為主調，優雅寧靜。雖則廳面積唔算大，但都唔會覺得焗促。呢度除左環境唔錯外，會員優惠係超抵ga!平日7折，假日都有8折。最想推介係佢地嘅組合套餐，價錢抵外味道都好好！呢度點心貴精不貴多！蒜香蒸排骨（大）骨肉容易分離、蒜味好香濃，底下嘅豆卜吸收晒精華，正！千層馬拉糕 （中）上碟時熱辣辣香噴噴！馬拉糕超軟熟，勁有蛋香。夾層有種奶黃feel Ge creamy 口感，推介！由於我超愛食炸子雞，就選左組合2（一品脆皮燒雞半隻配鮑汁荷葉飯）因荷葉飯賣晒，店員好貼心幫我轉左另一組合嘅瑤柱蛋白炒飯唔知係味甘岩，碟嘅形狀都好似個蛋白甘，好搞笑。炒飯份量無欺場，炒至金黃色嘅瑤柱絲海量甘舖係飯粒面。飯底炒得夠乾身，粒粒分明。蛋白、翠肉瓜粒粒份配料都好多ga!一品脆皮燒雞雞皮炸得香脆、好薄。雞肉juicy嫩滑。呢個套餐會員價$168 咋堅抵食！如果幾個女仔想靜靜聚聚，嘆反杯靚茶，都幾建議黎呢度，價錢唔貴，食物質素高。