影片
更多
2018-07-02
136 瀏覽
朋友話想食海鮮，千選萬揀決定食水上人。當日下午先打去訂位，職員俾咗二樓6人圓枱俾我地。當晚滿坐，多數三五知己一齊去，好少好似我地得兩個人~餐廳光猛有電視睇，醬料自己去櫃檯隨時加。店員介紹我地飲凍玫瑰花茶。成jar上，好香，甜度適中，有驚喜。我地叫咗C餐($598一位)。店員話無瀨尿蝦，轉咗做蟹。佢地會逐樣食物放入蒸鍋，調校時間掣，之後夾埋俾我地，完全唔駛自己動手。換碟又密，見我地食得慢會放慢，唔會蒸曬出黎迫你食咁樣。講返嘢食先~依出場序:蒲苔蜆鮮甜無沙馬刀貝爽滑新鮮海中蝦彈牙鮮味蒸元貝。黑松露醬太多，蓋過元貝味道石蠔多汁美味~讚翡翠蒸鮑魚。即係香草醬蒸鮑魚。鮑魚新鮮其實唔駛加咁多醬。宜家搞到太咸龍蝦鮮味彈牙多汁，唔駛點豉油都好好味生財黑毛豬。唔記得影相。其實係生菜包豬肉片時蔬係心形冬瓜。中間有啲冬菇瑤柱。店員好細心問我地想爽口啲定淋身啲去決定蒸煮時間。食到呢到已經好飽。之後係南瓜豬骨粥。粥底無味，要加菜圃先得。失望好彩馬拉糕軟綿綿，甜甜地，好味最後店員上咗碟西瓜，仲有士巴拿同螺絲，隔離仲有啲黃糖。好驚喜，原來係啫喱，硬身果隻。結論係，下次可以散叫，因為蒸海鮮都係清蒸好~
當日下午先打去訂位，職員俾咗二樓6人圓枱俾我地。當晚滿坐，多數三五知己一齊去，好少好似我地得兩個人~
餐廳光猛有電視睇，醬料自己去櫃檯隨時加。店員介紹我地飲凍玫瑰花茶。成jar上，好香，甜度適中，有驚喜。
我地叫咗C餐($598一位)。店員話無瀨尿蝦，轉咗做蟹。佢地會逐樣食物放入蒸鍋，調校時間掣，之後夾埋俾我地，完全唔駛自己動手。換碟又密，見我地食得慢會放慢，唔會蒸曬出黎迫你食咁樣。
講返嘢食先~依出場序:
蒲苔蜆鮮甜無沙
馬刀貝爽滑新鮮
海中蝦彈牙鮮味
蒸元貝。黑松露醬太多，蓋過元貝味道
石蠔多汁美味~讚
翡翠蒸鮑魚。即係香草醬蒸鮑魚。鮑魚新鮮其實唔駛加咁多醬。宜家搞到太咸
龍蝦鮮味彈牙多汁，唔駛點豉油都好好味
生財黑毛豬。唔記得影相。其實係生菜包豬肉片
時蔬係心形冬瓜。中間有啲冬菇瑤柱。店員好細心問我地想爽口啲定淋身啲去決定蒸煮時間。
食到呢到已經好飽。之後係南瓜豬骨粥。粥底無味，要加菜圃先得。失望
好彩馬拉糕軟綿綿，甜甜地，好味
最後店員上咗碟西瓜，仲有士巴拿同螺絲，隔離仲有啲黃糖。好驚喜，原來係啫喱，硬身果隻。
結論係，下次可以散叫，因為蒸海鮮都係清蒸好~
張貼
