影片
更多
2023-04-01
203 瀏覽
諾士佛臺酒吧林立，想靜少少同朋友食個飯飲杯酒但地舖的都比較嘈雜，朋友話佢之前同朋友試過呢間樓上酒吧。入到去就覺得呢度裝修好特別有好多打卡位，而且環境夠輕鬆relax，玩樂設施有骰盅、Beer Pong、桌球枱、飛鏢機，仲有K房。最重要係空間感夠大，俾客人足夠空間去選擇無論二人行傾計摸酒杯底，定係約埋三五知己玩番晚都一樣咁適合。//自家製雞翼($78)//單骨雞翼有成十隻之多，幾抵食。雞翼本身調味有微微辣，炸雞翼唔係好厚粉，炸得香脆又夠乾身，唔會太油膩。雞翼夠香口，配埋個自家製醬汁酸酸甜甜有少少辣，有點似水牛城的味道，酸酸甜甜夠開胃，小食黎講呢個高質！ //德國腸拼盤 $158+Kirin Ichiban $88/Pint//三種德國香腸各有特色，外脆內軟.香腸外皮極脆，一口咬下濃濃肉汁在口中擴散，再配搭酸菜，能夠中和肥膩的感覺，點上芥辣醬汁會有多重感受。香腸咸香味強烈配啤酒的一流享受！德國腸配啤酒真係絕配，懷念德國啤酒節的美好時光！食住腸同豬手，飲住啤酒吹下水就一晚，正！ //瑪格莉特芝士薄餅 $108//配料有芝士、原片蕃茄和蕃茄醬，當中蕃茄夠新鮮，蕃茄肉夠多汁，蕃茄唔會太軟爛仍然保
入到去就覺得呢度裝修好特別有好多打卡位，而且環境夠輕鬆relax，玩樂設施有骰盅、Beer Pong、桌球枱、飛鏢機，仲有K房。
最重要係空間感夠大，俾客人足夠空間去選擇
無論二人行傾計摸酒杯底，定係約埋三五知己玩番晚都一樣咁適合。
//自家製雞翼($78)//
單骨雞翼有成十隻之多，幾抵食。雞翼本身調味有微微辣，炸雞翼唔係好厚粉，炸得香脆又夠乾身，唔會太油膩。雞翼夠香口，配埋個自家製醬汁酸酸甜甜有少少辣，有點似水牛城的味道，酸酸甜甜夠開胃，小食黎講呢個高質！
//德國腸拼盤 $158+Kirin Ichiban $88/Pint//
三種德國香腸各有特色，外脆內軟.香腸外皮極脆，一口咬下濃濃肉汁在口中擴散，再配搭酸菜，能夠中和肥膩的感覺，點上芥辣醬汁會有多重感受。香腸咸香味強烈配啤酒的一流享受！
德國腸配啤酒真係絕配，懷念德國啤酒節的美好時光！食住腸同豬手，飲住啤酒吹下水就一晚，正！
//瑪格莉特芝士薄餅 $108//
配料有芝士、原片蕃茄和蕃茄醬，當中蕃茄夠新鮮，蕃茄肉夠多汁，蕃茄唔會太軟爛仍然保留爽脆口感，再加上蕃茄醬增加口味。芝士味夠濃郁具拉絲效果，蕃茄同芝士味好夾，而餅底香脆有咬口，這個傳統的薄餅有好正宗的薄餅口味，頗為高質。
//CUCUMBER SAKURA $108//
（Sake、Cherry Blossom、Cucumber、Apple Juice）
味道清新帶甜，很適合女生的一款甜酒。
青瓜清新的香味，混合着櫻花香，配上Sake酒香，加上蘋果汁的甜味，這杯cocktail獨特之處在於杯上的泡泡直到飲完都揮之不去，幾過癮。
我地今晚的確好享受，可以與好友輕鬆自在開心傾計，亦能夠暢飲大食一晚，估唔到以酒吧聞名的諾士佛臺都有寧靜的一面。
張貼
